مشعل (درگی)
مشعل | |
|---|---|
|
| |
| سوروملو مودور | علی‌حیدر قارایئف |
| یاییلان ایللر | 1919 |
| دیل | آذربایجان تورکجه‌‌سی |
| یاییلان یئر | باکی |
| موضوع | ساتیریک |
" مشعل " — 13 نوامبر 1919-جو ایلده نشر اولونان ساتیریک درگی.
تاریخی[دَییشدیر]
1919.جو ایل نوامبر آیی‌نین 13-ده علی‌حیدر قارایئف باکیدا " مشعل " ساتیریک درگیسینی چیخارتمیشدیر. بو " موللا نصرالدین "-ین عنعنه‌لرینی داوام ائتدیرن ایلک کومونیست درگیسی ایدی. علی‌حیدر قارایئف 1919-جو ایلین مئی‌یندن 1920-جی ایلین آوریل‌ینه دک " زحمت صداسی " ، " زحمت " ، " آذربایجان فوقراسی " ، " فوقرا صداسی " ، " فوقرا " ، " اوکتوبر اینقیلابی " آدلی قزئت‌لرین رداکتورو اولموشدور.
فعالیتی[دَییشدیر]
درگی‌نین اساس مؤلیف‌لری علی‌حیدر قارایئف، سید جعفر پیشه‌وری، آغابابا یوسف‌زاده، بایرامعلی سرابلی، آغاحسین رسول‌زاده، علی‌ستار ابراهیموف، نعمت بصیر و باشقالاری ایدی. اونلار موساوات حؤکومتی، کاپیتالیست‌لری، گنج شوروی حاکیمیتینه قارشی چیخان عکس اینقیلابچی آغ‌قواردییاچی قووّه‌لری و باشقالارینی ساتیرا آتشینه توتوردولار. علی‌حیدرر قارایئف " بینوا " ایمضاسی ایله یازدیغی باش مقاله ده گؤستریردی کی، درگی‌نین اساس مقصدی ایستیثمارچی‌صینیف‌لره قارشی، داها قطعی موباریزه آپارماقدیر. حقیقتاً ده درگی‌نین مؤلیف‌لری ساتیرانین اساس نؤوع‌لریندن ایستیفاده ائده رک موساوات حؤکومتی‌نین بوتون حیله‌لرینی آچیر، خالقی اونا قارشی موباریزه یه سسله‌ییردی.
" مشعل " موهوم بین الخالق مسله‌لردن ده یازیردی. مثلا، 6-جی نؤمره ده گنج شوروی دؤولتی‌نین اوزاق شرقه سوخولان آمریکا و ژاپون موداخیله‌چی‌لرینی ازدیگینی بئله خبر وئریردی:
"امریکانلار‌سیبیریانی اوغورلاییب اوددوقدا بوغازلاریندا قالدیغینا گؤره قوسماغا لابود قالمیشدیر." درگی‌نین 1919-جو ایلده 4، 1920-جی ایلده 2 نؤمره‌سی چیخمیشدیر.
شؤعبه‌لری[دَییشدیر]
" مشعل " درگیسی‌نین آشاغیداکی شؤعبه‌لری وار ایدی:
- تلقراف خبرلری.
- آذربایجاندا.
- مطبوعات.
- صنعتکارلار ایتتیفاقیندا.
- باکی قوبرنسیاسیندا.
- ایران خبرلری.
- ادبیات.
- خوصوصی اعلان‌لار.[۱]
اتک یازی‌لار[دَییشدیر]
- ^ "Azərbaycan mətbuatı tarixi" (Dərs vəsaiti), N. Zeynalov, I hissə, Bakı, 1973 səh. 93-94.
