موسولمانسکی ایزوستیا (قزئت)
موسولمانسکی ایزوستیا (Musulmanskiye İzvestiya)— باکی موسلمان ایجتیماعی تشکیلات‌لاری‌نین مطبوع اورقانی.
تاریخی[دَییشدیر]
" کاسپی " قزئتی‌نین تحریه‌سی ایله کومیته‌نین مطبوعات اورقانین نشری حاقیندا راضی‌لیغا اساساً، قزئتین 30 آوریل1917-جی ایل 95-جی ساییدان اعتیباراً 4-جو صحیفه سی " باکی موسلمان ایجتیماعی تشکیلات‌لاری کومیته‌سی‌نین خبرلری " آدی ایله چیخماغا باشلامیشدی. ژوئن‌ین 9-دان اعتیباراً " خبرلر " این مووقّتی رداکتورو جئیهون بیگ حاجی‌بیلی ایدی. بورادا میلت‌لرین اؤز موقدّراتینی تعیین ائتمه‌سی پروبلمی باشلیجا مسله کیمی ایشیقلاندیریلیردی. " خبرلر " ده " حاضیرکی وظیفه لره دایر " ، " میلّی کومیته‌ده " ، " بیز نئجه ایشله‌ملی‌ییک " ، " وظیفه لریمیز " باشلیق‌لاری آلتیندا ماتریال‌لار درج ائدیلیردی.
فعالیتی[دَییشدیر]
قزئتده مونتظم اولاراق قوزئی قافقاز، تورکوستان، وولقابویو و دیگر تورک دیارلاریندان خبرلر درج ائدیلیر، روسیه خالق‌لاری آراسیندا موسلمان و تورک همرأی‌لیگی، روسیه‌نین و دونیانین تورک و موسلمان جمعیت‌لری‌نین قورولوشو حاقیندا، " موساوات " پارتیاسی‌نین تاثیر دایره‌سی‌نین گئنیشلندیگی، حتّی استاوروپولدا اؤز شؤعبه‌سینی یاراتدیغی باره ده معلومات‌لار وئریلیردی. روسیه‌نین موسلمان مطبوعاتیندان پارچالار، " موساوات " پارتیاسی‌نین اورقانی اولان " آچیق سؤز " قزئتیندن تئز-تئز خولاصه لر، هابئله گورجو و ائرمنی مطبوعاتیندان یازی‌لار دا درج ائدیلیردی.
" خبرلر " ده موسلمان‌لارین سئچکی‌لرده ایشتیراکینا، طیبّی خیدمته، قادین‌لارین ایجتیماعی حیاتدا فعال‌لاشماسینا، طلبه گنجلر و موسلمان ضیالی‌لاری آراسیندا قارشی‌لیقلی موناسیبت پروبلم‌لرینه دایر ایضاحات ایشی آپاریلیر، تؤوصیه‌لر وئریلیردی. قزئتده موسلمان معمارلیق آبیده‌لری حاقیندا مقاله‌لر درج ائدیلیر، باکیداکی شیروانشاه‌لار سارایی‌نین تاریخی اهمیتی، تزار حاکیمیتی‌نین اونا اعتیناسیز موناسیبت بسله‌دیگی گؤستریلیردی. " خبرلر " آذربایجانین روس‌دیللی ضیالی‌لاریندا و بوتؤولوکده، آذربایجان خالقی‌نین سیاسی شوعورونون فورمالاشماسیندا، روسیه‌نین تورک و موسلمان خالق‌لاری‌نین همرأی‌لیگینده اهمیتلی رول اوینامیشدیر.[۱]
قایناق[دَییشدیر]
- Гасанов Г., Комитеть Бакинских мусульманских организаций "Tarix və onun problemləri", B., 2003, №2.
اتک یازی‌لار[دَییشدیر]
- ^ "Musulmanskiye İzvestiya". Azərbaycan Xalq Cümhuriyyəti Ensiklopediyası. II. Bakı: "Lider". 2005. səh. 213. ISBN 9952-417-44-4.
