مزه‌لی (درگی)
مزه‌لی | |
|---|---|
|
| |
| سوروملو مودور | هاشم بیگ وزیروو |
| یاییلان ایللر | 27 دئکابر 1914- 17 اوکتیابر 1915 |
| دیل | آذربایجان تورکجه‌سی |
| یاییلان یئر | باکی،آذربایجان |
| موضوع | ایجتیماعی، سیاسی، ساتیریک درگی |
مزه‌لي — باکیدا یاییلان بیر هفته‌ليک ايجتيماعي، سياسي، طنز درگی ایدی. هاشم بيگ وزيرووون رئداکتورلوغو ايله چيخيردي.
تاريخي
[دَییشدیر]"مزه‌لي" درگیسی 1914-جو ايلين دئکابرين 27-ده نشره باشلاميش، 1915-جي ايل اوکتيابرين 17-ده نشريني دايانديرميشدير. درگی باکيدا آذربايجان تورکجه‌سینده نشر ائديليردي. درگی‌نین اساس ماتئرياللاريني رئداکتور اؤزو يازيردي. 25-جي سايينا کيمي ناشيري و رئداکتور هاشم بيگ وزيروو، 25-37 سايلاريندا مووقّتي موديري ه.قاسم‌اوو، سونرا ايسه يئنيدن مودير و ناشيري ه.وزيروو اولموشدور. هاشم بيگ وزيروو "کئفيم گلنده" سرلؤوحه‌لي "بيريسي" ايمضالي فئليئتونلار ايله مشهور اولموشدور. "مزه‌لي"نين 42 نؤمره‌سي چاپدان چيخميشدير. [1]
مؤوضوسو
[دَییشدیر]"کئيفيم گلنده" عومومي باشليغي آلتيندا يازديغي فئليئتونلار اوخوجولار آراسيندا گئنيش ياييلميشدي. درگیده يالانچي موللالار، فيريلداقچي حاجيلار، مشديلر، پول‌پرست، اؤزگه ماليندا گؤزو اولان آداملار کسکين تنقيد اولونوردو. "مزه‌لي" درگیسی دا اساس تنقيد اوصولونو "موللا نصرالدين"-ه بنزه‌ديردي. ظارافات، سؤزو ائيهاملا دئمک اساس تنقيد اوصولو ايدي. موحاريبه دؤورونون ضيديّتلي مسله‌لري ده درگیده اؤز عکسيني تاپيردي.
"مزه‌لي"نين ايدئيا- ايجتيماعي مسلکي و قاباقجيل مؤوقئعيي ايلک سايينداکي پروقرام سجيّه‌لي "يولوموز" مقاله‌سينده اؤز عکسيني تاپميشدير. "مزه‌لي"-ده ع.نظمي، ع.غمکسار، ج.عسگرزاده، ع.مذنب، ه.رازي، ب.سیدزاده و ب. ايشتيراک ائتميشلر. ع.عظيم‌زاده‌نين درگی اۆچون چکديگي 100-دن آرتيق کاريکاتورادا "موللا نصرالدين" درگیسی‌نين عنعنه‌لري تبليغ ائديلميشدير. "مزه‌لي" ايمپئرياليست موحاريبه‌سي‌نين تؤرتديگي دهشتلري، ايجتيماعي عدالتسيزليگي، قادين حوقوقسوزلوغونو ايفشا ائتميش، مطبوعات، ادبيات، تئاتر مسله‌لريني ايشيقلانديرميش، ساوادسيزليغين لغوي و آنا ديلي‌نين صافليغي اوغروندا موباريزه آپارميشدير. "موللا نصرالدين" ادبي اوسلوبو ايله يازيلميش "سياحت‌نامه چاققولو بيگ" و "قاراباغ سياحت‌نامه‌سي"-نده ايجتيماعي حاقسيزليق تنقيد اولونموشدور.
قایناقلار:
[دَییشدیر]- آذربایجان مطبوعاتی تاریخی (درس وسائطی). ن.زینال‌اوو، 1. حیصه، باکی،1973، ص،95-96
- جلیل محمد‌قولوزاده ائنسیکلوپدیاسی، باکی 2008، ص 191
ایستیناد
[دَییشدیر][1] شاه‌وئردی‌یئو آ.ب. آذربایجان مطبوعاتی تاریخی."تحصیل" نشریاتی، 2006 ص 248 Archived 2016-03-05 at the Wayback Machine.
