یئنی یول (قزئت)

یئنی یول
باش یازار	جلیل محمدقولوزاده- ب . بهرام اوف
یاییلان ایللر	1922-1939
دیل	آذربایجان تورکجه‌سی
یاییلان یئر	باکی-آذربایجان شوروی سوسیالیست جومهوریتی
موضوع	ایجتیماعی، ادبی

 یئنی یول(قزئت) —   1922-1939-جو ایل‌لرده  آذربایجاندا اسکی لاتین الیفباسی ایله نشر اولونان ایجتیماعی، ادبی قزئت.    

  تاریخی

اوللر یئنی الیفبا کومیته‌سی نین، 1925 ایلدن ایسه آذربایجان K(b)P MK اورقانی اولموشدور. ایلک نؤمره سی 1922 ایل سپتامبرین 21-ده، سونونجو نؤمره سی 1939 ایل فوریه‌نین 28-ده چیخمیشدیر. 

حاقیندا

  1924 ایلین آخیرینادک هفته لیک، 1925 ایلدن ایسه گونده لیک نشر اولونموشدور. جلیل محمدقولوزاده 1922 ایل 5-جی سایدان 1922 ایل 26-جی سایادک قزئتین رداکتورو اولموش، 1923 ایل 38-جی سایینا کیمی ب. بهرام اوف‌لا بیرلیکده رداکتورلوق ائتمیشدیر.  " یئنی یول "  قزئتی یئنی الیفبانی تبلیغ ائتمیش، ساوادسیزلیغین لغوی و مدنی اینقیلابین غلبه‌سینده موهوم رول اوینامیشدیر. 1924 ایل مه 1-ده جلیل محمدقولوزاده اؤز خواهیشی ایله رداکسیا هئیتی عوضولوگوندن آزاد ائدیلمیشدیر. ادیب  " یئنی یول " -دا بیر نئچه مقاله و فلیئتونلا ایشتیراک ائتمیش، اونون  " روس قیزی'،  " موعلیم " ،  " تاخیل حکیمی " ،  " شرق فاکولته‌سی " ،  " ساققاللی اوشاق " ،  " بلکه ده قایتاردیلار " ،  " بوز " ،  " هامبال‌لار " ،  " یان توتگی "  کیمی حکایه لری بورادا چاپ اولونموشدور.

     جلیل محمد­قولوزاده دن سونرا، م.س.اوردوبادی، زیینت نوشیروانوو، احمد ترینچ، علی آسلانوو، آغاحسین رسول‌زاده، غلام محمدلی، حسین شاه گلدی یئو کیمی اساسلی هئیتله میلّی ایجتیماعی-ادبی و مدنی دوشونجه سیستمی نین لاییقلی سلف‌لری نین تیمثالیندا بوتونلشمیشدیر. دوغرودور، قزئتین ایلک نشر ایلینده کی  (1922) سایلاری، دئمک اولار کی، بؤیوک موحریر میرزه جلیلین پوبلیسیستیکاسیندان عیبارت‌دیر.  ز.نوشیروانوو و ق.محمدلی نین ایجتیماعی-سیاسی حادیثه‌لره، الیفبا ایصلاحاتی ایله باغلی درج اولونموش تک-تک یازی‌لاری نظره آلینماسا، دیگر باش رداکتورلاری نین فعالیتی، م.س. اوردوبادی ایستیثنا اولماقلا، سیاسی-ایدئولوژی رهبرلیک کاراکتری داشیمیش، قزئتده اونلارین ایمضاسی گؤرونمه میشدیر .