دبستان (درگی)
دبستان | ||
|---|---|---|
| ||
| سوروملو مودور | علی اسگندر جعفرزاده -محمدحسن | |
| یاییلان ایللر | 1907-1906 | |
| دیل | آذربایجان تورکجه‌سی | |
| یاییلان یئر | باکی | |
| موضوع | پداگوژی | |
| باغلانما سببی | مادّی چتین‌لیک | |
"دبستان" (درگی) — آذربایجان و ایسلام دونیاسیندا ایلک اوشاق درگیسی ایدی.
حاقیندا بیلگی
[دَییشدیر]"دبستان" معاریفچی درگیسی باکیدا 16 آپرئل 1906-جی ایلده آذربایجان تورکجه‌سینده نشره باشلادی. درگی اوّل علی ایسگندر جعفرزاده ایله محمدحسن بیگین مودیرلیگی و ناشیرلیگی ایله نشر ائدیلیردی.
آذربایجاندا آنا دیلینده موستقیل اوشاق مطبوعاتی‌نین یارانماسی علی ایسگندر جعفرزاده‌نین آدی ایله باغلیدیر. درگی‌نین 1906-جی ایلده 18 نؤمره‌سی، 1907-جی ایلده 7 نؤمره‌سی، 1908-جی ایلده ایسه 2 نؤمره‌سی چیخمیشدیر.
"دبستان" مجموعه‌سی‌نین باشیندا بئله بیر بیانات واردی:
" موتعلّیملره (شاگیردلره) مخصوص ایکی هفته‌ده نشر اولونان و ابناء - میلّتیمیزین ترقّی و تکامولونه خیدمت ائدن مصوّر (رسملی، شکیللی) تورک درگیسی‌دیر. "
امکداشلار:
[دَییشدیر]درگی‌نین فعالیتینده ع.ای.جعفرزاده، میرزه علی اکبرصابیر، محمد هادی، شیدا، حسن بیگ زردابی، فیرودین بیگ کؤچرلی، ر.افندی‌زاده، موسایئو، فرهاد آغازاده، عباس صحت، عبداله شایق، ا.افندی‌زاده، فرج‌اله‌زا‌ده ، نریمان نریمانوو و دؤورون دیگر تانینمیش ضیالیلاری ایشتیراک ائدیبلر.
هله قوْری موعلّیملری سئمینارییاسیندا ایشله‌دیگی مودّتدن مطبوعاتدا مونتظم چیخیش ائدن سلطان مجید غنی‌زاده ان چوخ "دبستان" درگیسینده چاپ اولوناردی. 1906-جی ایلده "دبستان" درگیسینده چاپ ائدیلمیش سلطان مجید غنی‌زاده‌نین "آللاه خوفو" حئکایه‌سی اونون یارادیجیلیغیندا خوصوصی یئر توتور.
درگیده عکس اولونان مؤوضولار
[دَییشدیر]"دبستان"دا پئداقوژی مسله‌لر، اوشاقلارین تعلیم-تربیه‌سینه دایر بدیعی اثرلر، عئلم-تئکنیک یئنیلیکلری درج ائدیلیردی.
بونلاردان علاوه بیر چوخ ترجومه‌لر و عثمانلی اثرلری درج اولونوردو، مؤحترم شخصلرین شکیللری درج اولونوردو. بیر چوخ تاریخی - طبیعت، عئلمی، فنی، ادبی و ایجتیماعی معلومات تاپماق مومکون ایدی. "دبستان"-ین "والیدئینه مخصوص ورقه"سی ده اولموشدور.
درگی‌نین باغلانماسی
[دَییشدیر]معاریفچی-دئموکراتیک سجییه‌لی "دبستان" درگیسی مادّی چتینلیکله اوزلَشنده اونون نشرینی داوام ائتدیرمک اۆچون درگی‌یه خئیریه‌چی زکریا بیگ آسلانوو دا کؤمکلیک گؤسترنلر آراسیندا اولموشدور. بو مجموعه 1908-جی ایلین مارتین 1-نه کیمی داوام ائتمیشدیر. مجموعه مادّی ضعیفلیکدن دولایی قاپانمیشدیر. سون نؤمره‌سینده حسن بیگ زردابی‌نین شکلی، ترجومئیی-حالی، فعالیتی، خیدمتی و مراسیمی-دفنی اؤز عکسینی تاپیب.
قایناقلار
[دَییشدیر]- ن.ن.زئینالوو "آذربایجان مطبوعات تاریخی" ،1. حیصه . باکی، 1973، آدو-نون نشریاتی
- محمدحسین تهماسیب. سئچیلمیش اثرلری. 2 جیلدده. 1. جیلد. باکی: موترجیم، 2010. - ص. 485-486.
- ""دبستان" ژورنالی". آذربایجان اوشاق ادبیاتی مونتخباتی (19-20. عصرلر). اوچ جیلدده. 2. جیلد. باکی: ناثیر، 2002. - ص. 6-52.
- 1،5شاهوئردی‌یئو آ.ب. آذربایجان مطبوعاتی تاریخی. "تحصیل" نشریاتی، 2006 - 248 ص.
