البویوروق

البویوروق ریساله‌سی شیخ صفی الدین اردبیلینین طالیب آدلانان موریدلری طرفیندن یازیلمیشدیر. بو ریساله عومومیتّله، شیخ صدر الدین دیلیندن یازیلیر. اثر ٥٠ بؤلۆمده‌دیر. هر بؤلۆمده شیخ صدر الدین، سلطان شیخ صفی الدین‌دن بیر سوال ائدیر و شیخ صفی او سوال‌لارا جواب وئریر.

البویوروق مناقیبینی، احد حامد الصراف موصل اطرافیندا یاشایان قیزیل‌باشیّه باج‌آلان تۆرکلری آراسیندا تاپیب، عربجه چئوری و ایضاحاتلا نشر ائتمیشدیر. البویوروق قارا مجموعه‌نین اساس حیصّه‌سی کیمی "مناقب شریف قطب العارفین حضرت شیخ صفی - قدّس الله سرّه العزیز -" آدلانمیشدیر. اثر، "امّت خاص و مؤمن پاک اعتقاد اولان قارداشلارا" تعلیم ائتمه ایچۆن قارا مجموعه‌لرینه داخیل ائدیلمیش بیر زاویه درسلیگی کیمی دگرلندیریلیر. اثر ساده نثر ایله یازیلمیش‌دیر جومله‌لر قیسا و گؤزل سجعلر ایله دوْلۇدور:

• "... لولو جاندیر، نه مرجاندیر، هر بیری بیر جاندیر، محکم ساخلاییب، بو سؤزلری جان قۇلاقلارینا قویالار، انبیانین سرّین بیلیب دوْیالار، اولیانین ارکانین اویالار ..."

اثره شاه اسماعیل خطایینین شعرلری‌ده شاهد مثال کیمی داخل ائدیلمیشدیر. بو ایش قارا مجموعه‌لرین عمومی حالی دیر.

قایناقلار

قارا مجموعه، شیخ صفی الدین اردبیلی، دکتر حسین محمدزاده صدیق، اختر رساله البویوروق، شیخ صفی الدین اردبیلی، محمدصادق نائبی، پیام