ایرک بیتیک

ویکی‌پدیا، آچیق بیلیک‌لیک‌دن
پرش به ناوبری پرش به جستجو
ایرک بیتیک

ایرک بیتیگ: دون‌خوانگدا "مین بودا ماغارالاریندا" تاپیلمیش اسکی تورکجه بیر ال‌یازماسی‌دیر. فال کیتابی آنلامینا گلمکده‌دیر. اثرده، 65 فالین قیسا آچیقلامالاری و قیسا بیر خاتیمه بولونور. ایلک کز آ. فون گاباینین بلیرتدیگی کیمی "ایرک بیتیگ، اوچ کز آتیلان بیر زارین یا دا هر اوزونه بیردن دؤرده قدر دایره‌لرین چیزیلی اولدوغو دیک‌دؤرت‌گئن بیچیمینده بیر چوبوغون اولوشدوردوغو تورلو بیرلشیم‌لرین آنلاملارینی یوروملایان بیر ال کیتابی‌دیر. "[۱]

کلاوسون، بئله بیر زارین اؤزبکیستانداکی تئرمیز شهری‌نین بیرنئچه میل قدر قوزئیینده یئرلَشن خیرآباد تپه‌ده، اسکی کوشان ایمپیراتورلوغو سیککه‌لرینی ده ایچه‌رن و میلاددان سونرا 3. یوزایل اؤنجه‌سینه عایید بیر قاتماندا اله کئچدیغینی بیلدیرمیشدیر.[۲] یازیم تاریخی، گونوموزده دقیق اولاراق ساپتاناماماقلا بیرلیکده دیل اؤزه‌للیک‌لرینه باخیلاراق 9. یوزایلدن قالما اولدوغو تخمین ائدیلمکده‌دیر. کیتابین آدی 101. نجی صفحه‌ده ایرک بیتیگ اولاراق بلیردیلمیشدیر. کیتابین خاتیمه‌سینده یازیلدیغی قدریله بارس ایلی‌نین ایکینجی آیی‌نین 15. گونونده یازیلمیشدیر.

لوویس بازین، 930 یا دا 40لی تاریخلر اولابیله‌جه‌یینی ایله‌ری سورموشسه ده اثرین قلمه آلیندیغی نی- مانی دیالئکتی (اسکی اویغور دیالئکت‌لریندن) اثرین بۇ تاریخدن داها اؤنجه یازیلمیش اولابیله‌جه‌یینی دوشوندورمکده‌دیر. اثر، اینگیلیسده‌کی بریتیش موزییومون، ال یازمالاری بؤلومونده 8212 نومره‌سی ایله قیدلی‌دیر.

قایناقلار[دَییشدیر]

  1. تکین، 2004
  2. کلاوسون، 1960؛ تئکین، 2004.

گؤرونتولر[دَییشدیر]