سککیز یوکمک

سککيز يوکمک، (سککيز تومار، سککيز ييغين) آدلي سوترا (سودور)، اويغورلار آراسيندا ياييلميش اولان بودديزم ديني تعليم، فيکير و يا عقيده‌سيني باشقالارينا تانيتماق، منيمستمک و يايماق مقصدي ايله يازيلميش بير اثردير. چينجه‌دن چئوريلميش اولان سککيز يوکمک، بورخانچیلیعا(بودديزمه) عاييد ديني-اخلاقي اينانجلار و آسانليقلا تطبيق اولونان بعضي معلوماتلاري ایحاطه ائدير. 24 نويابر 1907 تاريخينده تورفاندان 10 کیلومتر غربينده ياماز واديسينده‌کي يار-هوتودا تاپيلميش 405 سطيرليک سوترادير. شیناسی تکين طرفيندن ايشلنن کوانشي ایم پوسار (سس ائشيدن تانري)، "اصیل دينين نيلوفر چيچگي" آدلي سودورون بير حيصه‌سي‌دير. "سککيز يوکمک" حئکايه‌سي ده و. رادلوفف طرفيندن اويغور حرفلرييله نشر اولونموشدور و سککيز ايشيق دسته‌سي معناسينا گلير.