آلتون یاروق
آلتون یاروق (آذربایجان تورکجه‌سی: قیزیل ایشیق) آدلی، بئش‌باليقلی اويغور عالیمي سينگکو سئلي توتونگ طرفيندن، ۱0. يوزايلين بيرينجي ياريسيندا چینجهدن اويغورجايا چئوريلميش اولان بير اثردير.
آلتون ياروق، ايچينده "شهزاده ایله آج پارس حیکایه‌سی" کیمی جاتيکلر ايله يئر يئر ليريک بير ادا داشييان و مرثيه‌لري خاطيرلادان شعرلري ایچه‌ریر. جاتيک (هیندجه: ژاتاکا) ايچينده آجليقدان اؤلمک اوزره اولان بير ببری، خيلاص ائتمک ايسته‌ين، فداکار شاهزاده بيلديريلير. پارسين اؤلمه‌مه‌سي اۆچون شاهزاده اؤزونو اونا یئدیردر. جاتيغين سونوندا بودا، شاهزاده‌نين، اؤزو اولدوغونو سؤيله‌يير. بو حئکايه ده چوخ جانلي و آخيجي بير فورمايا ماليکدير. شاهزادنين اؤلومو اوزرينه سؤيله‌نن شئيرلرده ايسه تام بير آغي (مرثیه) هاواسي وار.
بير نئچه اوخشار اولان و اولدوقجا اويلوملو (رادلوفف و س. ي. مالوو چاپی 707 صحيفه) اولان قيزيل ایشیق، بورخانچيليقين (بودديزمين) اساسلاريني، فلسفه‌سيني و بوددانين حياتيني آنلادان بير اثردير. ۱990-جي ايلده، اصلا دوغو تورکیستان طرفلي اولان کاهار بالاد آدلي اويغور تدقيقاتچيسي، شينگکو شئلي توتونگ و ترجومه‌لري اوزرينده تدقیقاتلار آپارمیشدی. آلتون یاروقون اويغور و چينه ائديلن ترجومه‌لري باشقا، تيبئتجه و موغولجا کيمي ترجومه‌لري ده وار.[۱]