بابورنامه

بابۇرنامه (باشقا تانینمیش آد: تۆزوکی بابۇر) هیند تیموری‌لرینین ایلک سۇلطانی، ظهیرالدین محمد بابۇر، یازان خاطیره کیتابی دیر. بۇ کیتاب ۸۹۹-ه.ق ایلدن ۹۳۶-جی ه.ق ایله‌جه بابۇرون یاشاییشینا شامیل دیر. تۆرک دیلینی آیری آیری دیللر گؤرستمک ایستییه‌ن باتی‌لی شرق تانییانلار بۇ کیتابین دیلین چاغاتای‌جا ذیکر ائدیبلر لکن ظهیرالدین محمد بابۇر بۇ کیتابدا کیتاب دیلینی و اؤز دیلینی تۆرکی آدلاندیریب‌دیر.

بابۇرنامه بیر تاریخی و ادبی اثر اولماغی یانیندا، اجتماعی بیلیملر باخیمیندان دا یۇخاری دَیره اییه دیر. بۇ کیتابدا سیاست، توپلوملاری تانیماق، جغرافیا و اقتصادا گؤره بیلگی‌لر یئرلشیب‌دیر. بابۇرنامه اشاغی‌دا یازیلان جمله‌لرله باشلانیر:

باسمه سبحانه

تینکری تعالی‌نینک عنایتی بیلان و حضرت آن سرور کائنات‌نینک شفاعتی بیلان و چهار یار باصفالاری‌نینک همتی بیرلان سه‌شنبه کۆنی رمضان آیینی بیشی‌دا تاریخ سیکیز یوز توقسان توقوزدا فرغانه ولایتی دا اون ایکی یاشته پادشاه بولدوم.