عاشق‌آباد
عاشْق‌ْآبادْ (تورکمنجه: Aşgabat) تورکمنیستانین پایتختی و آخال اوستانی‌نین مرکزی‌دیر. بو شهرین اهالی‌سی ۲۰۰۹-نجی ایل‌ده ۹۰۹٫۰۰۰ نفر ایمیش. عاشق‌آبادین فاصیله‌سی مشهددن (ایرانین ایکینجی بؤیوک شهری) ۲۵۰ کیلومتر و ایرانین سرحدین‌دن تکجه ۲۲ کیلومتردیر.
تاریخ
[دَییشدیر]عاشق‌آباد دونیانین ان قدیم شهرلرین‌دن‌دیر. باستان‌شوناس‌لار کؤهنه عاشق‌آبادین ان آزی ۸ مین ایل یاشی اولدوغونو و بورانین هئچ واخت تام بوشالمادیغینی بیلدیریرلر. موعاصر عاشق‌آباد شهری روسیه حربی قوشون‌لاری طرفین‌دن ۱۸۸۱-جی ایل‌ده ایران سرحدین‌ده کؤهنه عاشق‌آبادین ۱۵-۲۰ کیلومترلیغین‌دا سالینیب‌دیر.
- ۱۸۱۸-نجی ایل‌ده عاشق‌آباد بیر کیچیک کندی‌دی کی تاریخی نیسا شهری‌نین کنارین‌دا یئرلشمیش‌دی (نیسا شهری کی اشکانی‌لرین پایتختی‌دی، موغول‌لارین حمله‌سین‌ده آرادان گئدیب‌دیر و اونون اثرلری ایندی‌کی عاشق‌آبادین یاخین‌لیغین‌دا کشف اولونوب‌دور).
- ۱۸۸۱-نجی ایل‌ده روسیه بیر حربی مقر عاشق‌آباددا تأسیس ائتدی.
- ۱۸۸۵-نجی ایل‌ده حربی مقرین بؤیومه‌سی اثرین‌ده «پولتوراسک» شهری بو محل‌ده تأسیس اولوندو.
- ۱۹۲۴-نجی ایل‌ده عاشق‌آباد رسماً شوروی تورکمنیستانین پایتختی اولدو.
- ۱۹۴۸-نجی ایل‌ده زلزله بو شهری وئران قویوب، یئنی‌دن تیکیلدی.
- ۱۹۶۲-نجی ایل‌ده قره‌قوم کانالی‌نین احداثی باشلاندی کی قره‌قومو جیحون چایینا وصل ائدیردی و اوزون‌لوغو ۶۰۰ کیلومتر ایدی (دونیانین ان بؤیوک کانالی).
قالری
[دَییشدیر]-
عاشق‌آبادین ماهواره‌ای شکیلی -
سردارین ساغلیک یولو
