انزه‌‌لي (اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
Leapfrog9987.jpg

انزه‌لي - آذربايجاندا اساساً يازقاباغي (بایرام قاباغی) گونلر اوشاق و گنجلر آراسيندا گئنيش شکيلده اوينانيلان قديم اويونلاريندان بيريدير.

اويونون قورولوشو[دَییشدیر]

اويوندا پوشکو تاپماق يولو ايله کيم اودوزارسا، او، بئليني اَيير و قالان اويونچولار اوچ-دؤرد مئتر آراليدا سيرايا دوزولورلر (6 نفر)؛ هر بيري اَييله‌‌نين بئليندن آتلانير، اويونچولار هر دفعه اشاغيداکي سؤزلري دؤنه-دؤنه دئيير و دئديکلرينه عمل ائديرلر.

بيرده - انزه‌لي هاي انزه‌لي.

ايکيده - خان اکبري

اوچده - خوروز بانلادي: قو-قولو-قو!

دؤردده - يانبيز ازرلر.

بئشده - تاختا چيخارلار.

(بو زامان اويونچو "ياتان" اويونچونون بئلينده اوتورور و سوروشور: - مينيم، يا دوشوم؟)

اَييلن: -مين و يا دوش! - دئيير. اويون يئنه داوام ائدير.

آلتيدا - ال، اوست، باش ديمه‌سين.

يئدديده - تاي‌أل کئچرلر،

سککيزده - پاپاق قويارلار.

دوققوزدا ايسه هامي اَييله‌‌نين بئلينه مينير، کيم ييخيلارسا، اونون قولاقلاريني دارتيرلار. اويون کئچيريلرکن کيم بو دئييلنلره عمل ائده بيلمه‌سه"ياتان"اي عوض ائتمه‌لي اولور.