مته-مته(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
مته-مته اویونو

مته-مته - آذربایجاندا ان چوخ یازقاباغی (بایرام‌قاباغی) گونلرده، ائلجه ده دیگر فصیللرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

بعضاً بو اویونو "مته قوْروُدوُ"ده آدلاندیریرلار.

اویونون قایدالاری[دَییشدیر]

بیر نئچه اوشاق بیر یئره جمع اولوب ساناما اوصولو ایله "ایشچی" سئچیرلر.

ایشچی سئچیلدیکدن سونرا دوزنگاه بیر یئرده 15-20 س‌م درینلیکده، 12-18 س‌م دیامِتیرلیکده مته (چالا) قازیلیر. مته‌نین اطرافیندا مته‌دن 1 متر رادیوُسدا دایره جیزیلیر. چکیلمیش جیزیق اوزرینده اویونچولارین (ایشچیدن باشقا) سایینا اویغون بیر-بیریندن عئینی مسافه‌ده آرالی، دیامتری 25 س‌م اولان دایره‌لر جیزیلیر. مته‌دن ان آزی 3-4 متر آرالیدا ایسه ایشچی اوچون دیامتری 25 س‌م-لیک دایره جیزیلیر. اویونچولارین (ایشچیدن باشقا) سایینا اویغون بیر اوجو اَیری دگنک و ایشچی اوچون 5-7 س‌م اوزونلوغوندا چیلیک (تاختا و یا آغاج پارچاسی) دوزلدیلیر. بوندان سونرا اویون باشلاییر.

اویونچولار آغاجلارینی گؤتوروب مته اطرافیندا اؤز یئرلرینی (جیزیلمیش دایره‌یه بیر آیاغینی قویماق) توتور. ایشچی ایسه مته‌دن 3-4 م آرالیدا جیزیلمیش دایره‌ده دایاناراق چیلیگی مته‌یه توللاییر. او، چالیشمالیدیر کی، چیلیک مته‌یه دوشسون. اویونچولار ایسه مته‌نی قورومالی، چیلیگی دگنکله مته‌دن اوزاقلاشدیرمالیدیرلار. اگر ایشچی چیلیگی مته‌یه سالارسا اویون بیتمیش ساییلیر و اویون یئنیدن باشلانیر.