دولاما (اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
دولاما اویونو

دولاما - آذربايجاندا ان چوخ يازقاباغي (بایرام قاباغی) گونلرده اساساً اوشاق و گنجلر آراسيندا، گئنيش شکيلده اوينانيلان قديم اويونلاريندان بيريدير. [۱]

عومومي معلومات[دَییشدیر]

بو اويونو اساس حاللاردا اوشاقلار دسته‌لره بؤلونه‌رک اويناييرلار. بعضاً بو اويونو ايکي اوشاق آراسيندا دا کئچيريلير. حتّي کيچيک ياشلي اوشاقلار بير-بيريني دولاماق (ساتاشماق و جيرناتماق) مقصديله بو اويونون سؤزلريندن (دولامادان) ايستيفاده ائديرلر.

اويونون قايدالاري[دَییشدیر]

اوّلجه دسته باشيلار سئچيلير. دسته‌باشي ايکي جور تعيين اولونور: يا اونلاري اويونچولار اؤزلري سئچيرلر، يا دا عوموماً راضيليغي ايله (اويوندا و اوشاقلار آراسيندا موعين کئيفيتلري فرقلنلري)، چوخ حاللاردا ايسه (اگر اويونچولار بير-بيريني تانيميرلارسا) پوشک يولو ايله سئچيرلر. دسته‌لره بؤلونه‌رک اوينانيلان بو اويونو باشلاماق اوچون هالاي يولو ايله اوشاقلار دسته‌لره بؤلونورلر.

دسته‌لر بير-بيريندن بير نئچه آدديم آرالي دايانير. دسته‌لردن بيري ساناما اوصولو ايله اويونا باشلايير. نؤوبه ايله بير-بيرينه دولاما سؤيله‌مکله اويون آشاغيداکي کيمي داوام ائدير:


آي ضربعلي، ضربعلي،

ايتي بوشلا، گل بري.


آي دورسون، دورسون، دورسون

اؤکوزوم سني وورسون.


آي خليل، خليل،

باغلاردان گلير،

قوش ووران يئرده،

اولاسان ذليل.


آي آسیا، آسیا،

قاشيغي سالدي کاسي‌يا،

ايسته‌ديم منه وئرمه‌دي،

ساتدي بير عابباسي‌يا.


آي علي مورقوز،

گل مني دورقوز،

يوخسا کوسرم،

قالارسان يالقوز.


آي روزا، روزا،

ميندي خوروزا،

گئتدي تيفليسه،

گلمه‌دي بيزه.


تاغي-تاغي،

ايتيريب باغي،

هئي آختارير،

ياغ چيراغي.


آي فاطما، فاطما، فاطما

يئرينده شيللاق آتما،

ايکي خوروز، بير فره

فاطماني وئرديم اره.


آي رمضان،

باشي قازان،

اوخلوي آتار،

قارني باتار.


شلاباني،

شلاباني.

ايکي الي،

بير داباني.


گليردي صفي،

الينده دفي،

صفي ييخيلدي،

دفي جيريلدي،

آغلاما صفي،

آلارام دفي.


فاطما، توکزبان،

قاريشدي هر يان،

کيشنه‌دي گؤيلر،

داغيلدي ائولر.

هانسي دسته دولاما تاپيب دئيه بيلمه‌سه همين دسته اويوندا اودوزموش اولور.

قایناق[دَییشدیر]

  1. شيفاهي خالق ادبياتي، اوشاق فولکلورو. "آلتون کيتاب" نشرياتي، باکي-2007. ص. 23.