یایلیق قاچیرتدی(اویون)

ویکی‌پدیادان، آچیق بیلیک‌لیک‌دن

یایلیق قاچیرتدی - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

یایلاق قاچیرتدی اویونو نوروز بایرامی گونلرینده و توی مراسیملری زامانی ائلجه ده دیگر گونلرده کئچیریلن میلّی آت اوستو اویونلاردان بیریدیر.

اویونون قایدالاری[دَییشدیر]

اویوندا آت چاپانلاردان بیری الینده‌کی ایپک یایلیغی یوخاری قالدیراراق مئیدانچادا دؤوره وورور. دیگرلری یایلیغی اوندان آلماغا چالیشیر. غالیبلره گوموشله بزه‌دیلمیش یهر موکافات وئریلیر.

اویونون دیگر آدی "گردک قاچیرتدی"دیر. خوصوصاً کندلرده توی گونو گلین گتیریلرکن فایتون یولا دوشدوکدن سونرا اؤزونه گوونن ایگید آتلیلار فایتونون آرخاسیندا دایاناراق موعیّن اولونموش واختدا آت سورمکله یاریشا باشلاییرلار. هانسی آتلی بیگ ائوی‌نین حَیطینه بیرینجی داخیل اولارسا قیرمیزی گردگی آلیب گلین گتیرن فایتونون قارشیسینا چیخار. بیگین آتاسی و یا قوهوم-اقرباسی غالیب آتلی‌یا موختلیف هدیه‌لر وئریردیلر.

قایناق[دَییشدیر]

• نوروز بایرامی انسکلوپدیاسی. باکی-2008 (شرق-غرب). ص.197.