لال‌دینمز(اویون)

ویکی‌پدیادان، آچیق بیلیک‌لیک‌دن

لال‌دینمزآذربایجاندا قدیم اوشاق اویونو.

اویون قایدالاری[دَییشدیر]

اوشاقلار اویونو ایداره ائتمک اۆچون اؤزلرینه باشچی سئچیرلر. اویونچولار جرگه‌یه دوزولورلر. بورادا دانیشماماق اساس شرطدیر. گولوب دانیشان و سس چیخاران اودوزموش اولور. اوشاقلاری دانیشدیرماق و گولدورمک اۆچون باشچی هر واسیطه‌یه ال آتیر. چوبوغونو یئره ووروب دئییر:

"بو یئر قوروقدور، قوروقدور. هئچ کسین بورا گلمگه ایختیاری یوخدور".

هئچ کس دینمیر. باشچی بیر آز دایانیر. گولمه‌لی، مزه‌لی حرکتلر ائدیر. مئیمون کیمی مایاللاق آشیر، آغیز-گؤزونو بوزور. اوشاقلاردان بیری اؤزونو ساخلایا بیلمه‌ییب گولور. سس چیخاران اوشاغی یامسیلایان باشچی چوبوقلا اونو وورور. باشقا اوشاقلار دا باشچی‌نین سؤزونو تکرار ائدیب، دانیشان و یا گوله‌نی چوبوقلا وورورلار. اوشاقلاردان بیری نه سس چیخارسا، یاخود هانسی سؤزو آغزیندان قاچیرسا، باشچی دا عئینن تکرار ائدیب اونو ووراجاق. قالان اویونچولار دا بونو تکرار ائتمه‌لیدیر. سوسوب بی‌طرف دایانان اولسا، اونو دا آرایا چکیب دؤیورلر.

قایناق[دَییشدیر]

• نوروز بایرامی انسکلوپدیاسی. باکی: شرق-غرب، 2008، ص.129.