تورنا ووردو(اویون)
تورنا ووردو - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.
عومومی معلومات[دَییشدیر]
تورنا ووردو اویونو نوروز بایرامیندا، بایرام‌قاباغی گونلرده ائلجه ده دیگر گونلرده اوشاقلارین اوینادیقلاری اویونلاردان بیریدیر. بو اویونو هم قیزلار، هم ده اوغلانلار اویناییرلار.
اویونون قایدالاری[دَییشدیر]
اوشاقلار ایکی برابر دسته‌یه آیریلیرلار. هر دسته‌‌نین باشچیسی اولور. دایره‌وی جیزیق چکیرلر. دسته‌لردن بیرینده‌کی آداملارین سایی قدر تورنا ائشیرلر. باشچیلاردان بیری اوووجونا بیر شئی آلیر، اللرینی برک یوموب او بیری باشچی‌یا اوزادیر. باشچی گیزله‌دیلمیش اشیا‌نین هانسی الده اولدوغونو تاپسا غالیب گلیر، الینی یومان باشچی‌نین دسته‌سی تورنا چکیلن دایره‌وی جیزیغا گیریر. کناردا قالان غالیب دسته جیزیقداکی تورنالاری گؤتورمگه چالیشیر. گؤتوره بیلمسه‌لر اونلاری تورنا ایله وورورلار. ایچریده‌کی لر کنارا چیخیر، کنارداکیلار جیزیغین ایچریسینه گیریرلر. بورادا اویون تورنانی اله کئچیرمک اوغروندا موباریزه‌دن عیبارتدیر. تورنانی اله کئچیرنلر غالیب ساییلیر.
قایناق[دَییشدیر]
• نوروز بایرامی انسکلوپدیاسی. باکی-2008 (شرق-غرب). ص.187.
