موللا، هارای(اویون)
موللا، هارای – آذربایجاندا اساساً یازقاباغی (بایرام‌قاباغی) گونلرده و یا دیگر واختلاردا اوشاق و گنجلر آراسیندا گئنیش شکیلده اوینانیلان قدیم اوشاق اویونلاریندان بیریدیر.
اویونون قورولوشو
[دَییشدیر]اوشاقلار هالای گلمک یولو ایله موللالار آراسیدا ایکی دسته‌یه آیریلیرلار. موللالاردان بیری‌نین گؤزونو یومورلار. گؤزو آچیق موللا‌نین دسته‌سینده اولانلار قاچیب گیزله‌نیرلر. گؤزویومولو موللا‌نین اوشاقلاری سیغیناجاقدا اوتورورلار. او، گؤزونو آچیر، گیزلنن اوشاقلارین موللاسی ایله اوشاقلاری آختارماغا باشلاییر. هر یئردن کئچدیکده گیزلنن اوشاقلارین موللاسی برکدن خبردارلیق ائدیر. مثلا، "بولاغین یا‌نیندان کئچدیک" ،"دره‌نی او تایا آدلادیق" ،"علی‌نین ائوی‌نین یا‌نینداییق" و ای. آ. بو خبردارلیقدان مقصد گیزلنن اوشاقلارین مؤحکم گیزلنمه‌سی، گؤزه گؤرونمه‌مه‌سیدیر.
اگر آختاران موللا گیزلنن اوشاقلاردان بیرینی گؤرسه اویونو اودموش اولور. گیزلنن اوشاقلار اونون گؤزونه گؤرونمه‌دن قاچیب سیغیناجاغا گلسه‌لر، اونلاری آختاران موللا‌نین اوشاقلاری آغیز-آغیزا وئریب برکدن "موللا، هارای، موللا، هارای!" – دئیه قیشقیریشیرلار. آختاران موللا اونلارین سیغیناجاغا گیرمه‌سینی گؤرمه‌سه،گیزلنن طرف آختاران طرفی اودور.
