نوخود چوخورو(اویون)
نوخود چوخورو — آذربایجاندا ان چوخ یازقاباغی (بایرامقاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.
عومومی معلومات[دَییشدیر]
نوروز بایرامی و دیگر ائل شنلیکلرینده اوشاقلار طرفیندن اوینانیلان اویونلاردان بیریدیر. بو ماراقلی اویون ائو شراییطینده کئچیریلیر.
اویونون قایدالاری[دَییشدیر]
بؤیوک بیر سینی تمیز و نارین قوملا دولدورولوب، اوزهری هامارلانیر. سینینی دؤورهسی بویونجا بیر- بیرینین یانیندا، قومون اوستونده کیچیک چوخورلار قازیلیر... هر چوخورا یئددی عدد نوخود سالینیر. اویونچولار جوت-جوت نوخودلاری چوخورلارا سالارکن بئله بیر شعیر دئییرلر:
تای جوتوم (بیرینجی جوت)
تایلار جوتوم (یکینجی جوت)
آلاجا مَتَک( اوچونجو جوت)
دالینجا کؤتک (بیر تک)
اویوندا اوچ و اوچدن آرتیق اویونچو ایشتیراک ائده بیلر. اویونچولاردان بیری پایینا دوشن چوخورلاردان بیرینین نوخودلارینی ساعات عقربی ایستیقامتی اوزره قونشو چوخورلارا بیر- بیر سالیر. نؤوبه ایله ایکینجی و اوچونجو اویونچونو دا بونو تکرار ائدیر. کیمین آخرینجی نوخودو اویونچولارین چوخورونداکی تک سایدا (1،3،5) اولان نوخودلارین اوزهرینه دوشورسه، او اویونو اودموش حساب اولور. بو قایدا ایله اویون داوام ائدیر.
قایناق[دَییشدیر]
• نوروز بایرامی انسکلوپدیاسی. باکی-2008 (شرق-غرب). ص.140.