تکه (اویون)

ویکی‌پدیادان، آچیق بیلیک‌لیک‌دن

تکه - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

نوروز بایرامی عرفه‌سینده کئچیریلن سایا گزیسی شنلیگینده بوینونا نوختا و زینقیروو تاخیلمیش، اوزون ساققال ائرکک بیر کئچی اطرافیندا "تکه‌م، تکه‌م اویون ائیلر" سؤزلریله باشلایان اوخوما ایله ایجرا اولونان اویونلاردان بیریدیر.

اویونون قایدالاری[دَییشدیر]

بعضاً اویوندا حئیوان عوضینه "تکه ساققال کوسا" و یاخود کئچی گؤرکملی، کئچی ماسکالی بیر اویونچو چیخیش ائدیر. تؤره‌نیش اعتیباری ایله قدیم آذربایجاندا اوینانیلان اساطیری بیر تاماشا، اورادا یاز فصلینی تمثیل ائتمیش "کئچی"–"تکه" صورتی ایله باغلی اولوب قیشین باشلانماسی، اونون شر قووّه‌لر طرفیندن اؤلدورولمه‌سی، یازین گلیشی ایسه، اونون دیریلمه‌سی کیمی قئید ائدیلمیشدیر. "تکه اویونو" "کوس-کوسا" مراسیم تاماشاسی ایله یاخیندان سسلشیر. اصلینده اونلارین آدلاری دا اوخشار و بیر-بیرینه باغلیدیر. "کوسا" سؤزو بیر چوخ تورک دیللرینده و ائلجه ده یئرلی لهجه‌لریمیزده "کئچی" ،"تکه" آنلامیندا ایشله‌دیلیر.

قایناق[دَییشدیر]

• عبداله ب. ،بابایئو ت. نوروز بایرامی انسکلوپدیاسی. باکی، 2008، ص.183.