یاشیل یارپاق، قیزیل‌گول(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

یاشیل یارپاق، قیزیلگول - آذربایجاندا ان چوخ یازقاباغی (بایرام‌قاباغی) گونلرده، ائلجه ده دیگر واختلاردا، اساساً اوشاق وگنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

قدیملرده اکین باشلاناندا، تورپاغا خیش-کوتان آغزی دَینده اصیل بایرام اولدوغو کیمی اکین قورتاراندا دا موختلیف مراسیم و شنلیکلر کئچیریلردی. شوم قورتاراندان سونرا قیز-گلینلر تئللری‌نین اوجلارینی گول-چیچکله بزه‌یَر، چمنلیکده "یاشیل یارپاق، قیزیلگول" اویونو اوینایاردیلار.

اویونون قایدالاری[دَییشدیر]

بیر نئچه اوشاق جمع اولوب ساناما یولو ایله اوستا(باشچی، یا موللا) سئچیرلر.

اویون ایشتیراکچیلاری دایره ووروب بیر-بیری‌نین الیندن توتورلار. سونرا اوستا(باشچی، یا موللا) بیر بند ماهنی اوخویار، قالانلاری ایسه ال چالا-چالا "یاشیل یارپاق، قیزیلگول" دئیرلر. داها سونرا ایسه اوستا‌نین(باشچی‌نین، یا موللا‌نین) گؤستریشی ایله اویون ایشتیراکچیلاری‌نین هره‌سی بیر بند ماهنی اوخویار، قالانلاری ایسه ال چالا-چالا "یاشیل یارپاق، قیزیلگول" دئیرلر.

اویماقدان، آی اویماقدان،

اؤلدوم خینا قویماقدان.

بارماقلاریم یانیبدی

چوبوغا اود قویماقدان.

هامی:

یاشیل یارپاق، قیزیلگول.

کؤینگی یاشیل اوغلان،

گل گئی، یاراشیر، اوغلان.

آنام سنه قیز وئرمز

گل منی قاچیر، اوغلان.

هامی:

یاشیل یارپاق، قیزیلگول.

اویون بئلجه داوام ائدیر. ماهنی اوخوماغا سؤز تاپا بیلمه‌ین اویونچو اویوندان چیخاریلیر. سونا قالان اویونچو غالیب ساییلیر.