یئللنجک(اویون)

ویکی‌پدیادان، آچیق بیلیک‌لیک‌دن

یئللنجکآذربایجاندا ان چوخ یازقاباغی (بایرام‌قاباغی) گونلرده، ائلجه ده دیگر واختلاردا، اساساً اوشاق و گنجلراراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

یئللنجک اویونو نوروز بایرامی گونلرینده، ایلاخیر چرشنبه‌لرده، ائلجه ده یاز، یای و پاییز آیلاریندا آغاج بوداغیندان کندیرله آسیلان یئللنجک. بو مراسیم اویونوندا، اساساً، گنج اوغلان و قیزلار ایشتیراک ائدیرلر. ایشتیراکچیلار بیر-بیر یئللنجه‌یه مینیب یئلله‌نیرلر. دیگر ایشتیراکچیلار ایسه هالای، یاللی مضمونلو اویونلار ایفا ائدیرلر.[۱]

یئللنجه‌یه مینیب یئللننلر قاراباغدا "اوجونجاق" ،لنکران بؤلگه‌سینده "کوف" ،"هلاچین" ،باکیدا "قوی هاقوی" ،قوبادا "هاواچاغ" ،شکیده "سولانچیخ" ،"یؤرتمج" ،زنگیلاندا "ساریمچاخ" ،گنجه‌ده "سکمن" و سایره آدلارلا معلومدور.[۲]

اویونون قایدالاری[دَییشدیر]

ایشتیراکچیلار بیر-بیر، ایکی-ایکی آغاج بوداغیندان آسیلمیش کندیر یئللنجه‌یه قالخیب یئلله‌نیر، دئییشمه و بایاتی شکلینده موختلیف ماهنی اوخویور، اطرافداکیلار ایسه ال چالیب شنله‌نیر، هالای و یاللی سایاغی رقص ائدیرلر. یئللنجکده یئللنن قیزین آیاقلارینا چوبوقلا آستا-آستا ووروب خورلا اوخویورلار:

اؤرپگی چهرایی قیز،

آداخلی‌نین آدین دئ.

ساچلاری خورمایی قیز،

آداخلی‌نین آدین دئ.

قاشلاری سورمه‌لی قیز،

آداخلی‌نین آدین دئ.

یایلیغی یئللنن قیز،

آداخلی‌نین آدین دئ.

بورا قوناق گلن قیز،

آداخلی‌نین آدین دئ.

ها یئللنه-یئللنه

آداخلی‌نین آدین دئ.

یئللنجکده‌کی قیزدان تا جاواب آلمایینجا اونو یئللندیریرلر. قیز جاواب وئردیکدن سونرا یئللنجگی ساخلاییب یئره سالیر و بیر باشقاسی یئللنجه‌یه مینیر. اویون ساعاتلارلا داوام ائدیر.

اتک یازیلار[دَییشدیر]

  1. ^ نوروز بایرامی انسکلوپدیاسی. باکی-2008 (شرق-غرب). ص.199.
  2. ^ آذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 482. ایسبن 978-9952-34-152-2