چیلینگ آغاج

ویکی‌پدیادان، آچیق بیلیک‌لیک‌دن

چیلینگ آغاج، آذربایجانین اوشاق اویونلاریندان بیری.

اویونون قورولوشو[دَییشدیر]

بو اویونا لازیم اولانلار: آغاج: بیر متیره یاخین آغاج (دسته)، چیلینگ: ایگیرمی سانتا یاخین آغاج، چولا: چیلینگی اوستونه قویارلار، آغاج آلتینا گیرسین. بو اویوندا اوشاقلار ایکی قوروها بؤلونوب، پوشک آتاندان سونرا بیر قوروپ چولا باشیندا دایانار، باشقا قوروب ایسه بیر معین فاصیله‌ده اوزاقلاشیب چیلینگی توتماغا حاضیرلاشارلار. چولا باشیندا اولان قوروهون عوضولری، آغاجی چیلینگین آلتینا یئرلشديريب اونو گؤيه آتیب، رقیب قوروهونا ساری ضربه ووراجاق، چیلینگی اونلار توتسالار بو عوضو یاناجاق، توتماسالار آلتی یول آتاندان سونرا، باشقا عوضولری بو ایشی دؤنه_دؤنه ائدجکلر، چیلینگی رقیب قوروهو توتارسا، یئرلرينی دَییشیلیر، آنجاق باشاریلی اولمادیلار، چولا باشینداکی لارین باشچی سی، چیلینگی گؤيه آتیب گینه رقیب قوروپونا ساری ضربه ووراجاق (ضربه‌لرین سایی‌سی وار، چیلینگی گؤيه آتیب اونا ضربه ووراجاق، هر نئچه دنه ضربه وورسا بو قدر ده قوروها طرف چیلینگی آتاجاق)، هابئله اونلار توتمایینجاق چولادان اوزاقلاشاجاقلار، ضربه‌لرین سایی‌سی قورتاردی، رقیب قوروپو چیلینگی اللرینه آلیب، " زوو" دئيه‌رک چولایا ساری قاچاجاقلار، نفسلری چاتماسا چولا چان اویونو اوتوزاجاقلار، آنجاق چولا چاتدیرسالار، ظفر قازانیب قوروهارین یئري دَییشیر. دئمه لی، بو اویونون قوراللاری هر بؤلگه ده فرقلی دیر.