یئددی داش(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو
یئددی داش اویونو

یئددی داش - آذربایجاندا اساساً یازقاباغی (بایرام‌قاباغی) گونلرده، ائلجه ده دیگر فصیللرده اوشاق و گنجلر آراسیندا گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

بو اویونو اویناماق اوچون تا قدیمدن یئددی یاستی داش پارچاسیندان ایستیفاده ائدردیلر. لاکین سون زامانلار داش پارچالاری‌نین عوضینده یاستی شوشه پارچالاریندان ایستیفاده ائدیرلر. بو سببدن ده بو اویون بیر چوخ حاللاردا "یئددی شوشه" آدلاندیریلیر.

اویونون قایدالاری[دَییشدیر]

بو اویوندا اؤنجه 10 اویونچو سئچیلیر. بونلار فرقلی یوللارلا ایکی قوروپا آیریلیر. داها سونرا داش گتیره‌رک، آددیم آتاراق ویا باشقا جور اویونون کیمده اولدوغو بیلینیر. اویونون بیلیندیگیندن سونرا مومکون اولدوغو قدر دوزگون یئددی داش تاپیلیر.بوندان سونرا 6-7 متر آددیم اوزاقدان خط چکیلیر. بونلارين اوست اوست اوسته قويولا بيلديگي يئر سئچيلديکدن سونرا دا بورا 6-7 متر يئردن خط چکيلر. اويونو آلان طرف، خطين درحال گئريسينه گله‌رک اوست اوسته دوزولن داشلارا اللري ايله توپو آتاراق سالماغا چاليشارلار. ديگر قارشي طرف اويونچولاريدا داش دوشدوکدن سونرا درحال اللرينه کئچيرديکلري توپو آتان اويونچولارا وورماغا و اويونو اونلاردان آلماغا يؤنه‌لرلر. .اؤرنگين اويونو آلان طرفدن بير اويونچو توپو آتدي، داشلاري سالا بيلمه‌دي. بو دفعه ديگر اويونچو تعيين ائدر. او دا سالا بيلمه‌دي. بو دفعه ديگر گئري قالان اوچ اويونچودا عئيني توپو آتاراق سالا بيلمزلرسه اويون داشلاري گؤزله‌ينلره کئچر. و يا ايلک اويونچو توپو آتديغي زامان داشلاري سالدي دئيک. توپ داشلارا ديه‌رک اوزاقلاشارکن داشي سالان طرفين اويونچولاري چوخ سورعتلي بير شکيلده گله‌رک ييخيلان داشلاري يئنيدن اوست اوسته دوزمگه چاليشارلار. اگر داشلاري دوزرکن داشلاري گؤزله‌ينلر اويونچولار طرفيندن وورولسالار او اويونچو اويون خاريجي بوراخيلار. بو اويونچونون اويون خاريجي ائديلمه‌سيندن سونرا سيرا ديگر اويونچولارا گلير. توپ ايله او اويونچولاريدا بير-بير وورماغا چاليشارلار. لاکين توپو آتديقلاري زامان توپ اونلارا ديمه‌دن اوزاقلاشسا،ديگر اويونچولار بو فورصتدن فايدالاناراق سالينان داشلاري يئنيدن دوزمگه باشلارلار. اگر وورولمادان ييخديقلاري داشلاري تکرار دوزسه‌لر اويونو قازانميش اولارلار. اويون بو شکيلده داوام ائدر.