گلین باجی(اویون)

گلین‌باجی - آذربایجاندا ان چوخ یازقاباغی (بایرام قاباغی) گونلرده، توی گونلرینده، ائلجه ده دیگر واختلاردا، اساساً قیزلار و گلینلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات

قدیم زامانلاردان قیز-گلینلرین تویلاریندا "گلین‌باجی" اویونو ایجرا اولوناردی. گلین کؤچن گون قیزلار گلینین باشینا توپلاشیر، اللرینه دمیر سینیلر آلیب گلینین دیلیندن ماهنی اوخویوب اونا ساتاشیرلار.

بو عادت سونرالار اوشاقلار آراسیندا اویونا چئوریلمیشدیر.

اویونون قایدالاری

بیر دسته اوشاق (اساساً قیزلار) ییغیشیب اویونا باشلاییرلار. اویونا باشلامازدان اوّل اونلار دایره شکیلی آلیر، هامیدان یاشجا بؤیوک اولان اویونچو اوشاقلاردان (قیزلاردان) بیرینه اویونو باشلاماغی تاپشیریر. همین اویونچو اویونا باشلاییر و اویونو نؤوبتی اویونچو داوام ائتدیریر.

1.جی قیز: - من گلمیشم نارینج-تورونج دیشله‌یم،

گلمه‌میشم تویوق-جوجه کیشله‌یم.

2.جی قیز: - من گلمیشم ایستکانا قند سالام،

گلمه‌میشم اورگیمه درد سالام.

3.جو قیز: - من گلمیشم ابره گئیم، ساللانام،

گلمه‌میشم چیت-میت ایله آللانام.

4.جو قیز: - من گلمیشم چیرتیق چالام، اوینایام،

گلمه‌میشم کؤپکلری یاللایام...

اویون بو آردیجیللیقلا داوام ائدیر. سؤز تاپا بیلمه‌ین ایشتیراکچی سیرادا دایانیب ال چالماقلا کیفایتله‌نیر.