تکله‌مه(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

تکله‌مه - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

تکله‌مه ایلاخیر چرشنبه و نوروز بایرامی گونلرینده ائلجه ده دیگر گونلرده ایجرا اولونان اوشاق اویونلاریندان بیریدیر.

اویونون قایدالاری[دَییشدیر]

اویونون کئچیریلمه قایداسی بئله‌دیر: محلّه اوشاقلاری مئیدانچایا، محلّه حَیطلرینه توپلاشیب ایکی دسته‌یه بؤلونور. هر دسته‌‌نین باشچیسی اوخویور. دسته عوضولری ال چالیر. بیرینجی دسته‌‌نین باشچیسی اوخویور.

چرک، مَرَک،

بیزدن سیزه

کیم گرک؟

ایکینجی دسته‌‌نین باشچیسی جاواب وئریر:

اؤلچوسو چرک اولماز،

پیه‌سی مَرَک اولماز،

بیزیم دسته گوجلودور،

سیزلردن گرک اولماز.

بیرینجی دسته‌‌نین باشچیسی:

نوروز گلر، یاز اولار،

گؤلده اؤردک، قاز اولار،

سیزدن ایکیسینی آللیق،

بیزیم دسته چوخالار،

سیزین دسته آز اولار.

ایکینجی دسته‌‌نین آیاق طرفیندن ایکی اوشاق آیریلیب بیرینجی دسته‌یه قوشولور. بو واخت نؤوبه ایکینجی دسته‌‌نین باشچیسینا چاتیر. او، اوخویور:

تونقالدا کؤزوموز وار،

دانیشدیق، سؤزوموز وار،

بیزیم، سیزین دسته‌‌نین

اوچونده گؤزوموز وار.

ایندی بیرینجی دسته‌دن اوچ اوشاق آیریلیب ایکینجی دسته‌یه قوشولور. نغمه‌لر بو شکیلده داوام ائدیر. اوشاقلار بو دسته‌دن او دسته‌یه، او دسته‌دن بو دسته‌یه قوشولور. آخیردا باشچیلاردان بیری تک قالیر. اوشاقلارین هامیسی اؤز دسته‌سینه توپلامیش باشچی تک قالان دسته باشچیسینا دئییر:

هونرده هونرین وار،

بیز بولبولوک، اولما سار،

گل قوشول دسته‌میزه،

ائیله‌مزسن یئری دار.

دست، بئله‌لیکله ال چالیر. تک قالمیش دسته باشچیسی اونلارا قوشولور. بئله‌لیکله، اویون قورتاریر و یئنیدن باشلانیر.

قایناق[دَییشدیر]

• نوروز بایرامی انسکلوپدیاسی. باکی-2008 (شرق-غرب). ص.183.