تاپین گؤرک(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

تاپین گؤرک - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات[دَییشدیر]

بو اویون بعضی بؤلگه‌لرده "قلندر، آی قلندر" ،بعضاً "سوال-جاواب" آدلاندیریلسادا بو اویون اساساً "تاپین گؤرک" اویونو کیمی تشکّول تاپمیشدیر.

بو اویونون دا آذربایجا‌نین آیری-آیری بولگه‌لرینده موختلیف آدلاری ("یئنگلا ها، یئنگلا" ،"قوشوم-قوشوم" ،"دورنا-دورنا" ،"سمندر، آی سمندر" ،"یالان-پالان" ،"بیر قوشوم وار بو بویدا" و س.) معلوم ایدی.[۱]

اویونون قایدالاری[دَییشدیر]

تاپین گؤرک اویونونا حاضیر اولان اوشاقلار ساناما یولو ایله بیر نفری اویون باشچیسی (اوستا، یا موللا) سئچیرلر. اویون باشچیسی(اوستا، یا موللا) سئچیلندن سونرا اوشاقلاری سیرایا دوزور و بیر تورنا باشدا دورانا(سیرادا بیرینجی دایانانا) وئررلر.

اؤزو ایسه نیسبتاً بیر اوجا یئره چیخیب نظرده توتدوغو بیر قوشو، حئیوانی و یاخود دا باشقا بیر اشیا‌نین علامتلرینی و حرکتلرینی اوشاقلارا نیشان وئرمکله سؤیله‌یرلر:

بیر قوشوم وار بوخارتانا،

قلندر آی، قلندر.

دیمدیگی وار بوخارتانا،

قلندر آی، قلندر.

سو ایچر بوخارتانا،

قلندر آی، قلندر.

گؤزلری وار بوخارتانا،

قلندر آی، قلندر.

قانادلاری بوخارتانا،

قلندر آی، قلندر.

باشی منیم، آیاغی سیزین،

ایندی بونو سیز تاپین گؤرک.

اوّلجه اوشاقلار نؤوبه ایله جاواب وئرمه‌لیدیرلر. هر کس اؤز عاغلینا گله‌نی بیر شئیه اوخشادار و دئیر. دوز دئمه‌ین شخص تورنانی یا‌نینداکینا وئرمه‌لیدیر.

هر هانسی کَس دوز دئسه اویون باشچیسی(اوستا، یا موللا) دئیر: "پالان"

او واخت جاوابی دوز تاپان تورنا ایله او بیری اوشاقلاری دؤیر. بئلجه سوال-جاواب داوام ائدر. هر واخت موللا دئیرسه کی، "یالان" اوشاقلار چالیشیرلار کی، جاوابی دوز تاپاندان تورنانی آلسینلار و یا اونو توتسونلار. او دا چالیشار کی، قاچاراق اؤزونو اویون باشچی‌نین(اوستا‌نین، یا موللا‌نین) یا‌نینا چاتدیرسین. او، باشچی‌نین(اوستا‌نین، یا موللا‌نین) یا‌نینا چاتاندان سونرا اویونون دؤورو قورتاریر، اویون یئنیدن باشلایارلار. یوخ اگر تورنانی کیمسه آلارسا سواللارا او، جاواب وئریر.

قایناق[دَییشدیر]

  1. آذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 483. ایسبن 978-9952-34-152-2