گول-گول(اویون)

ویکی‌پدیا، آچیق بیلیک‌لیک‌دن
پرش به ناوبری پرش به جستجو

گول-گول - آذربایجاندا ان چوخ یازقاباغی (بایرام قاباغی) گونلرده، ائلجه ده دیگر مؤوسوملرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

اویونون قایداسی[دَییشدیر]

ایکی قروپ و یا شخص آراسیندا اوینانیلیر. گول آدلاندیریلان خیردا بیر اشیانی، مثلا نوخودو، اوووجلارین ایچینده اوینادیب، بیر اوووجدا گیزله‌دیرلر. لاکین رقیب قروپدان هئچ کیم گولون هانسی اوووجدا اولدوغونو بیلمه‌مه‌لیدیر. گولو گیزله‌دن قروپ اوووجلارینی یوموب رقیب قروپون اؤنونه توتور. رقیب قروپ گولون هانسی اوووجدا اولماسینی تاپمالیدیر. گولو تاپسالار غالیب اولورلار، تاپا بیلمسه‌لر، گولو گیزله‌دن قروپ غالیب گلیر. اویوندا اوووجون بوش چیخماسینا "پوچ" دئییلیر.