پاپاق آتدی(اویون)

پاپاق آتدی – آذربایجاندا ان چوخ یازقاباغی (بایرام‌قاباغی) گونلرده، ائلجه ده دیگر فصیللرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاردان بیریدیر.

اویونون قایدالاری

بو اویوندا بئش-اون نفر اوشاق ایشتیراک ائدیر. اونلاردان بیرینی ساناما اوصولو ایله موللا (باشچی) سئچیرلر. سونرا اویون آشاغیداکی کیمی داوام ائدیر.

موللا وار قووّه‌سیله الینده توتدوغو پاپاغی هاوایا توللاییر. عئینی زاماندا، اوشاقلار آشاغیداکی سؤزلری کورلا دئییرلر کی، بودا اویونون قایدالاریندان بیلدیریر:

آ هورموزو، هورموزو،

نه اینجیدیرسن بیزی.

پاپاغی گؤتور، اوچ

دفعه دولان، وور بیزی.

هله پاپاق هاوادا اولارکن، یئره دوشنده اونو گؤتوره‌جک اویونچونون آدی چکیلیر. قایدایا گؤره، پاپاغی هاوادا توتماق اولماز. پاپاق یئره دوشن کیمی آدی چکیلن اویونچو جلد اونو یئردن قالدیریب اوچ دفعه دوردوغو یئرده فیرلانمالی (اولا بیلر کی، پاپاغی اوچ دفعه باشی اوزه‌رینده فیرلاتسین) و قاچیب اطرافا سپلنمگه چالیشان اوشاقلاری پاپاقلا وورمالیدیر. پاپاق یئره دوشمه‌یینجه اوشاقلار قاچا بیلمزلر. پاپاق هانسی اویونچویا دَیسه، او گلیب آدی چکیله‌‌نین یئرینی دَییشمه‌لیدیر. یوخ، اگر هئچ کسه دیمه‌سه،اوّلکی اویونچو یئرینده قاچیب معلوم قایدادا اویونو داوام ائتدیریلیر.

قایناق

• نوروز بایرامی انسکلوپدیاسی. باکی-2008 (شرق-غرب). ص.153.