فاطمه کمینه

فاطیما خانیم کمینه (Fatıma Xanım Kəminə) ـ آذربایجانلی شاعیر.

یاشامی

تورک عالمینده تانینمیش آدلیم شاعیر "کمینه خانیم"، "فاطیما خانیم" یا "فاطیما کمینه خانیم" ، 175 ایل اؤنجه آذربایجانین شوشا شهرینده آنادان دونیایا گؤز آچدی.

کمینه خانیم ، میانالی آدلیم شاعیر "قاراباغلی فنا"نین قیزی ایمیش. اؤنجه دئمه لییم کی "آقا میرزه بیگ بابا" یاخود "قاراباغلی فنا" 20 یاشیندا آتاسی میرزا بابا طاهرزاده ایله میانانین گرمه چای ماحاللاریندان شوشایا کؤچوب محمدحسن خان جوانشیرین قوللوغوندا اوْلموشدولار. میرزه بی بابا بؤیوک شاعیر ایمیش و گؤزل خطی وار ایمیش.

"کمینه خانیم" او قده ر آتاسی تک یوکسک بیلیجی و یازیچی ایمیش کی اونا قادین اولاراق "میرزه" دئیرمیشلر و اونو "میرزه فاطیما" یادا "میرزه کمینه" سسلرمیشلر.

روسلارین و تورکلرین تذکره لرینده، کمینه خانیمی قفقازین 19 ـ اونجو عصیرینین ان اؤنملی و بؤیوک 5 قادین شاعیرلریندن سایمیشلار.

"تذکره نواب" کیتابیندا کمینه خانیمی "دئوران نادیره سی" یا "نادره دوران" آد وئریب اونون اؤزل و گؤزل شعرلرین تایسیز سانمیشلار.

فاطیما خانیم دان 400 دن آرتیق شعر بیزه قالمیش که اونلارین خئیلی سی آشیق لارین شعرلرینه نظیره دیرلر.

کمینه خانیم دان موختلیف قالیبلرده شعرلر بیزه قالارغی قالمیش آمّا اونون گوجو ، آشیق شعرلرینده دانیلماز دی و دئمک اولار بوتون زمانلاردا چوْخ آزاراق قادین شاعیرلردن دی کی آشیق شعرلرین بۇ قده ر اییجه و یاخشیراق دئمیش.

شعرلریندن اؤرنک

فاطیما کمینه خانیم دئییر:

شیکار اوْلوب الدن اله دوشمه سین

قورولموش تورلارا ـ فعله دوشمه سین

یامان گؤزه ـ یامان دیله دوشمه سین

قان آغلارام غربت الده قالینجا

"کمینه" تا الدن گئتدی گؤرمزسن

لذت ایله بیرده دوران سورمزسن

اهل نعشه زمره سینه گیرمزسن

کاش اؤلیدیم بۇ گونلری گؤرونجه

قایناق‌لار

• فاطیما کمینه خانیم میانانین آدلیم قادینی