محمدحسین مبین

ویکی‌پدیادان، آچیق بیلیک‌لیک‌دن
محمدحسین مبین
آدسید محمد حسین مبین
قیسا بیلگیشاعیر، یازیچی و طبیب، ایران جذامیلرین آتاسی
دوْغوم تاریخ۱۳۰۶-جی ایل آذر آیی نین ۱۳-و
تبریز شهری
اؤلوم تاریخ۱۳۹۴-جو ایل مهر آیی نین ۶-سی
تبریز شهری
میللیتایران
آیری آدلارشیمشک
تحصیلپزشکی دوْکتورو
ایشدری و جوْذامیلر دوْکتورو
یازیچی
حیات یوْلداشینشاط وثوقی
اۇشاقلاریبهزاد مبین
فرزاد مبین
شهرزاد مبین

سیّد محمدحسین مُبَیِّن تخلص آدی ایله شیمشک و یا دوْکتور محمدحسین مبین (دوْغوم: ۱۳۰۶-جی ایل آذر آیی نین ۱۳-و، تبریز - اؤلوم: ۱۳۹۴-جو ایل مهر آیی نین ۶-سی تبریز) شاعیر، یازیچی و طبیب، ایران جوْذامیلرین آتاسی.[۱][۲]

حیاتی[دَییشدیر]

۱۹۲۷- جی ایلده تبریزین چرنداب محله سینده آنادان اوْلان محمدحسین مبین ایلک تحصیلی تبریزین معرفت اوْخولو، اوْرتا مکتبی کرمان شهری‌نین اوْ زامانی پهلوی مدرسه سینده اوْخویوب سوْنرا تبریز شهرینه قاییداراق دیپلم مدرکین فردوسی مدرسه سیندن آلدی. ۱۳۲۸-جی ایلده تبریزین طیب تبریز طیب بیلیم یوردوندا تحصیله باشلاییب ۱۳۳۴-جی ایل ۲۸ یاشیندا اوْلاراق تبریز طیب بیلیم یوردونو بیتیریب ۱۳۴۱-جی ایلدن (۱۹۶۲-جی میلادی ایل) اۇلوسلار آراسی ساغلیق تشکیلاتی‌نین مالیه‌سی ایله ایسپانیا، پورتغال، نیجریه و مالی ؤلت‌لرینده طیب تحصیلینی تکمیللشدیردی. وطنه دؤندوکدن سوْنرا تبریز یاخینلیغین‌داکی باباباغی منطقه‌سی‌نین چؤللو-بیابانیندا ۱۹۳۳-جو ایلده یارادیلمیش جوْذام خسته‌خاناسیندا دوْکتور اوْلان خانیمی ایله بیرلیکده باشچیلیق ائتدی. محمدحسین مبین ۸۸ یاشیندا مهر آیی‌نین آلتیسی دوشنبه گونو تبریز شهرینده حیاتا گؤز یومموش بیر گۆن سوْنرا دوغدوغو شهرده تورپاغا تاپشیریلیب.[۳][۴][۵][۶]

اثرلری[دَییشدیر]

  • عاشیقلار (مقدمه‌ای بر کتاب آذربایجان عاشیقلاری) (۱۳۶۳)
  • به یاد شهریار (سوگواره و سوگ‌نامه‌ها) (۱۳۶۸)
  • قانلی چیچکلر (۱۳۶۹)
  • قاپیمیز آچیلیرگونشه ساری (مقدمه‌ای بر کتاب شعر ذوالفقار کمالی) (۱۳۶۹)
  • سخنان عارفانه و نصایح حکیمانه نظامی گنجوی (۱۳۷۰)
  • شیطان در شعر شهریار (گامی در راستای شهریار شناسی) (۱۳۷۰)
  • آچیل چتریم آچیل (اوشاقلار ادبیاتی "۱") (۱۳۷۴)
  • گل باهاریم گل (اوشاقلارادبیاتی "۲") (۱۳۷۸)
  • قوش یوواسی (اوشاقلار ادبیاتی "۳") (۱۳۷۸)
  • تبریز گنجه نهفته در بسته تاریخ (۱۳۷۸)
  • جذاملی سارای (۱۳۸۰)

شعرلر و قطعه لر[دَییشدیر]

  • «حماسه خونین انقلاب اسلامی»
  • «آی بالام باغدا ناوار»
  • «رسامین قلمینده طبیعت جانلانیر».[۷]

تخلصی[دَییشدیر]

محمدحسین مبین شعرلرینده شیمشک آدین تخلصو اۆچون سئچمیشدی.[۱]

آغیرلاما[دَییشدیر]

۱۳۹۱-جی ایلین بهمن آیی نین ۸-ده، اۇلوسلار آراسی جوْذامی گۆنونده، تبریز شهرینده محمدحسین مبین اۆچون آغیرلاما مراسیمی کئچیریلدی.[۸]

قازاندیغی عونوانلار[دَییشدیر]

محمدحسین مبین ایراندا جوْذامی مریضلرین آتاسی آدین قازانان شخصدیر.[۲]

فیلم[دَییشدیر]

ایرانین جوْذامی نین آتاسی اولان محمدحسین مبین نین ۴۰ دقیقه لیک مستند فیلمی فرهاد عیوضی نین یؤنتیمی ایله ۱۳۸۹-جی ایلده حاضیرلانمیشدی.[۹]

ایللر اساسیندا اؤنملی اوْلایلار[دَییشدیر]

۱۳۰۶- آذر آیی‌نین ۱۳-نده تبریزین چرنداب شهرینده دۆنیایا گؤز آچدی

۱۳۲۰-عاییله ایله بیرلیکده کیرمان شهرینه کؤچمک دبیریستانی بو شهریده ایدامه وئردی

۱۳۲۶- آلتی ایل کیرماندا یاشایاندان سوْنرا تبریز شهرینه قاییتدی

۱۳۲۸- تبریز بیلیم یوردونون طیب فاکولته سینده تحصیل آلماغا باشلادی

۱۳۳۴- طیب دوْکتوراسین تبریز بیلیم یوردوندان آلدی

۱۳۳۷- عسگرلیک وظیفه سینه گئتدی

۱۳۳۹- بهداری وزارتخاناسینه ایستیخدام اوْلدو - نشاط وثوقی ایله ائولندی و بو یاشاییشین نتیجه سینده ایکی اوْغلان و بیر قیز عمله گلدی

۱۳۴۱- تحصیلی بورسیه آلاراق اوروپا و آفریقا اؤلکه لرینده جوْذام باره سینده تحصیل آلدی

۱۳۴۲- باباباغی جوْذامیلر خسته خاناسی نین باشچیلیغین قبول ائتدی

۱۳۵۳- دری و سئویشمه (آمیزشی) ریشته لرینده تبریز بیلیم یوردوندا تخصص آلاراق اوْ بیلیم یورددا هیئت عملی اوْلدو، ایرانین جوْذامیلرینه یاردیم اۇچون انجومنین ایفتیخاری عضوو

۱۳۵-تبریز بیلیم یوردونون طیب فاکولته سینین طیب درگیسی نین یازارلار هیئتینین عضوو

۱۳۶۳- «عاشیقلار» (مقدمه‌ای بر کتاب آذربایجان عاشیقلاری) کیتابی نین یاییلماسی

۱۳۶۷- آبان آییندا، بازنشسته اوْلدو

۱۳۶۸- «به یاد شهریار» (سوگواره‌ها و سوگنامه‌ها) کیتابی نین یاییلماسی

۱۳۶۹- «قاپیمیز آچیلیر گونشه ساری» (مقدمه‌ای برکتاب شعر ذوالفقار کمالی) و «غنچه‌های خونین» (قانلی چیچکلر) کیتابلارینین یاییلماسی

۱۳۷۰- «سخنان عارفانه و نصایح حکیمانه» نظامی گنجوی و «شیطان در شعر شهریار» کیتابلارینین یاییلماسی

۱۳۷۴- «آچیل چتریم، آچیل» (اوشاقلار ادبیاتی۱) کیتابینین یاییلماسی

۱۳۷۸- «گل باهاریم گل» و «قوش یوواسی» (اوشاقلار ادبیاتی ۲ و ۳) و «تبریز گنجینه نهفته در بستر تاریخ» کیتابلارینین یاییلماسی

۱۳۷۸-ایرانین ۱۰ باش طیبچی سئچیلرک تجلیل اوْلوندو

۱۳۸۰- شهریور آییندا، کانون نویسندگان و هنرمندان سردرود طرفیندن «جذاملی سارا» شعر توْپلوسو کیتابی یاییلماسی ایله عئینی واختدا آغیرلاما مراسیمی کئچیریلدی

۱۳۸۲- تیر آییندا، تبریز شهرداری سینین اۆچونجو منطقه سی توسط ایله آغیرلاما مراسیمی کئچیریلیدی. همین واختدا دکتر مبین آدینا مجتمع فرهنگی-هنری آچیلیش مراسیمی کئچیریلدی

۱۳۹۴- مهر آیینین ۶-سی دۆنیاسین دَییشدی[۱۰]

شعرلریندن[دَییشدیر]

قایالار دؤشونده بوزلایان قارام

بولاغام ٬داغلاردان جوشوب آشارام

قوشولوب چایلارا دنیز اولارام

دالغالار یارادیب داغدان آشارام

داشلارین بزه یی اینجه بیر گولم

یارپاغیم قایادیر چیچه ییم بولود

حسرتده قورولان خسته بولبولم

اوره ییم یارادیر درمانیم اومود

"شیمشک"یم شاخارام قارا گئجه ده

دله رم باغرینی قارا گئجه نین

یولچویام گزه رم ایتگین یوللاری

توتارام الینی یولدان کئچه نین

قایناقلار[دَییشدیر]

  1. ^ ۱٫۰ ۱٫۱ ایشیق- آذربایجان ادبیات و اینجه صنعت سایتی (۰۶/ ۰۷/ ۱۳۹۴). جذامی‌لرین آتاسی- دوْکتور محمدحسین مبین(شیمشک)- وفات ائتدی (تۆرکجه). ایشیق- آذربایجان ادبیات و اینجه صنعت سایتی. یوخلانیلیب ۳۰ سپتامبر ۲۰۱.
  2. ^ ۲٫۰ ۲٫۱ دانشکده علوم پزشکی و خدمات بهداشتی درمانی تبریز (دوشنبه 6 مهر 1394 ساعت). خبر درگذشت دكتر محمد حسين مبين، پدر جذام ايران (فارسجا). دانشکده علوم پزشکی و خدمات بهداشتی درمانی تبریز. یوخلانیلیب ۳۰ سپتامبر ۲۰۱.
  3. ^ دوْکتور علي اكبر ترابي (حاللاج اوغلو) (۲۷ فروردين ۱۳۹۴). دوْکتور سيد محمدحسين مبيّن (شيمشك)اۆچون (تۆرکجه). وب سایت رسمی رضا همراز. یوخلانیلیب ۳۰ سپتامبر ۲۰۱.
  4. ^ ایشیق- آذربایجان ادبیات و اینجه صنعت سایتی (۰۶/ ۰۷/ ۱۳۹۴). جذامی‌لرین آتاسی- دوْکتور محمدحسین مبین(شیمشک)- وفات ائتدی (تۆرکجه). ایشیق- آذربایجان ادبیات و اینجه صنعت سایتی. یوخلانیلیب ۳۰ سپتامبر ۲۰۱۵.
  5. ^ ت.رت تورکی (29.09.2015). دوکتور محمدحسین مبین توپراغا وئریلدی (تۆرکجه). ت.ر.ت تورکی. یوخلانیلیب ۳۰ سپتامبر ۲۰۱۵.
  6. ^ مقصود سامع. نگاهی به زندگی و آثار استاد دکتر محمد حسين مبين (فارسجا). تبریز اینفو سایتی. یوخلانیلیب ۳۰ سپتامبر ۲۰۱۵.
  7. ^ {{cite magazine}}: Empty citation (کؤمک)
  8. ^ دکتر محمد حسین فرهنگی (دوشنبه ۹ بهمن ۱۳۹۱). بزرگداشت دکتر مبین (فارسجا). دکتر محمد حسین فرهنگی نین شخصی سایتی. یوخلانیلیب ۳۰ سپتامبر ۲۰۱۵.
  9. ^ خبرگزاری فارس (۱۳۸۹/۱۰/۱۹). مستند زندگي «محمدحسين مبين» پدر جذام ايران ساخته شد (فارسجا). خبرگزاری فارس. یوخلانیلیب ۳۰ سپتامبر ۲۰۱۵.
  10. ^ خبرگزاری فارس (۹۴/۰۷/۰۶). پدر جذامیان ایران درگذشت (فارسجا). خبرگزاری فارس. یوخلانیلیب ۳۰ سپتامبر ۲۰۱۵.

آیریجا باخ[دَییشدیر]