بابا پنهان

Baba Punhan Baba Pünhan بابا پونهان
دؤغوم‌تاریخی	Atababa Seyidali oglu Madatzadeh ۵ نوامبر ۱۹۴۸ باکی, آذربایجان جومهوریتی
اؤلوم‌تاریخی	۱۷ آوریل ۲۰۰۴ (۵۵ یاش) باکی, آذربایجان جومهوریتی
ایش	یازیچی، شاعیر
دیل	آذربایجان تورکجه سی
چالیشما ایللری	1962–2004
ژانر	Satire
دیرلی‌ایشلری	Sad Truth What have I said... If Karabakh goes...
تاثیرلری	Mirza Alakbar Sabir

بابا پونهان آدیلا تانینان آتابابا سئييدعلی اوْغلو مددزاده (۱۹۴۸-۲۰۰۴میلادی) آذربایجانلی شاعیر و یازیچی ایدی.

یاشاییشی

بابا پونهان، 1948-جي ايل نويابر آيي‌نين 5-ده باکي شهرينده دونيايا گؤز آچيب. 1955-جي ايلده محمد امين رسولزاده قصبه سينده کي 99 سايلي مکتبين بيرينجي صينفينه گئديب. 1963-جو ايل 8-جي صينيفي بيتيريب. همين ايل باکي رابيطه تئخنوکومونا داخيل اوْلوب. 1967-جي ايل اييون آييندا تئخنيکومون مأذونو اوْلوب، آوقوست آييندا باکي مئتروپوليتئنينده مئکانيک وظيفه سينده ايشله مه يه باشلاييب.

بابا پونهان 1968-جي ايل حربي خيدمته چاغيريليب. اوکراينين کييئف شهرينده حربي خيدمتيني باشا ووروب، وطنه قاييدان کيمي مئترودا ايشيني داوام ائتديريب. ايلک واختلاردا " مئترو " قزئتينده کيچيک حجملي شعئيرلري و غزللري چاپ اوْلونوب. 25 ايل مودتينده همين يئرده ايشله ييب.

شاعير 1972-جي ايلده ائوله نيب. بير اوغلان، بير قيز اؤولادي وار. هامي اونو بابا چاغيرسا دا دونيايا گلن ايکي نوه سي اۆچون حقيقي معنادا بابا اوْلوب.

بابا پونهان ايلک غزليني 13-14 ياشيندا ايکن يازيب. ياراديجيليغا ليريک غزللرله باشلاييب، نظم فورماسيندا بير نئچه پوئما، سربست شعئير، محبت روحلو غزللر يازيب ياراديب. او، بابا پونهان کي، زمانه‌ميزين صابيري اوْلوب، ظارافاتجيل بير شاعير کيمي يادداشلاردا ايز قويوب گئتدي.

جاهيللره گولدو، اونلاري اؤزلري-اؤزلرينه گولمه یي مجبور ائدنده ايسه اؤزو اونلارين حالينا آجيدي. بۇ گولوشلر او قدر مؤحکم اوْلدو کي، بابانين چکديگي ناله‌لري اونون کيمي فرياد ايچينده اوْلان بير نئچه کسدن باشقا بير کيمسه ائشيتمه دي. هر گولمه‌لي کلمه نين آرخاسيندا بير قطره گؤز ياشي گيزلندي.

"سيز گولورکن يازديغيم هر بئيته، هر بير کلمه يه، پونهانام، آغلار يازيم... " - سؤيله‌ين شاعير گولوشله بدخيصلت‌لري ايصلاح ائتمه يه، نفسلري تميزله مه يه چاليشدي، آما بير بهره گؤرمه دي. اؤزو ايسه بير دونيا کدر داشيدي چيگينلرينده. لاکين، اونون قلمي ده تقديرسيز قالماييب. 2000-جي ايلده " آذربايجان " ژورنالي طرفيندن "حيکمت ضييا" آدينا موکافات آليب. همين ايلده "یالان چئينه‌يه- چئينه‌يه" آدلي کيتابي چاپ اوْلونوب. عئيني زاماندا، آذربايجان يازيچيلار ايتتيفاقي طرفيندن ساتيريک يازيلار اوزره ايلين قاليبي ائلان اوْلونوب. 2002-جي ايلين آوقوست آييندا شاعيرين "من نه دئديم کي..." کيتابي اوخوجولارا تقديم اوْلونوب. 2004-جو ايل "کيم نه گؤتوردو" آدلي کيتابيني چاپا وئريب. همين ايل آوریل آيي نين 5-ده " مرکزي کلينيکي خسته‌خانا " سيندا اورگينده يئنيدن "کيچيک عمليات" آپاريليب. 7 آوریلده ائوه گليب. 8 آوریل سحر تئزدن حالي پيسله‌شيب "کوما" وضعيتينه دوشوب. 9-گون کومادا صونعی نفس وئرمه ايله ساخلانيليب. آوریل آيي نين 17-سي بابا پونهانين اوره‌گي صونعی نفسدن ايمتيناع ائديب. همين گون عؤمرو تاماملانيب. مزاري "کورده‌خاني" کندينده، محبتي اونو سئونلرين قلبينده دير.

شئعیرلریندن اؤرنک

او بيلر من بيلرم

بيوفاديرسا اگر يار، او بيلر - من بيلرم،

يا وفا اهليدي ديلدار، او بيلر - من بيلرم.

نه دوشوب خلقه آخي هر شئيه ريشخند ائله يير،

غئيري دينداردي يا ديندار، او بيلر - من بيلرم.

مني جادولر ايلن سالما گؤزوندن او گولون،

چالما کانداريما ميسمار، او بيلر - من بيلرم.

دئديم اول ياره حيجابي سنه واجيب بيليب حقّ،

دئدي کي، ائيله مه ايصرار او بيلر - من بيلرم.

دستَمازيم گؤزومون ياشي نامازيمدي موغام،

بوندا حقم يا گوناهکار او بيلر-من بيلرم.

مني گاه تانري چکيب قالديرار عرشين اوزونه،

گاهي اوردان يئره چيرپار، او بيلر - من بيلرم.

جان آلانيم ايکيدير، گؤيده فلک، يئرده ملک،

دئسه‌لر هانسيدي غدار، او بيلر - من بيلرم.

پونهانين عئيبلرين ياره گئديب کيم سايدي،

کيمه نه، عئيبي اگر وار، او بيلر - من بيلرم