صوفی الله‌یار

ویکی‌پدیا، آچیق بیلیک‌لیک‌دن
پرش به ناوبری پرش به جستجو

صوفی الله‌یار ـ اؤزبکیستانلی مشهور متصوّف، شاعیر. اؤزبیک ادبیّاتی‌نین بؤیوک نماینده‌لریدن بیری.

حیاتی[دَییشدیر]

صوفی الله یار اؤزبیکستان دا سمرقندین مینار قیشلاغیندا دنیایا گلدی. کیچیکلیگینده تحصیل اوچون بخارایا گئتدی. ادیب شیخلر مکتبی و بخارادا کی جویبار شیخلری مکتبینده تعلیم آلدی. اؤز دؤورونون اساسی و گرکلی علملرینی اوخودو؛ عرب و فارس دیللرینی اؤیرندی. 25 یاشیندا عبدالعزیزخان طرفیندن باجخانه محکمه‌سینده باجگیر تؤره عنوانینا تعیین‌لندی. کؤنلو آلچاق و درویش صفت اولدوغو اوچون شاعر چوْخ کئچمه دی کی اؤز ایشلریندن واز کئچیب، مشهور شیخ نوروزا شاگرد اولدی. طریقت طلب‌لرینی باجاریب، شیخلیک مرتبه سینه چاتدی. صوفی الله یار تورکی و فارسی دیللرینده شعر یازیب. شاعر یارادیجیلیغی‌نین اساسی یؤنه‌لیشی اسلام دینی و شعریت قانون-قاعده‌لرینی خلق آره سیده یایدیرماغا چالیشیب.او اؤز شعرلریده قیامتدن قورخوش، عذاب-عقوبت، آجلیق، کلفت و مصیبتلره دؤزوملو اولماق؛ تقوا، ریاضت، ترک دنیاچیلیغا راغب اولماغا چاغیریر

اثرلری[دَییشدیر]

  1. مسلک المتقین
  2. مراد العارفین
  3. مخزا المتقین
  4. فوز النجات
  5. میوه لر مناظره‌سی.

قایناق‌لار[دَییشدیر]

  • محمد قارا، اؤزبک تورکلری‌نین ادبیاتی، استانبول، 1998.
  • محمدرضا کریمی، تورک دونیاسی، امید زنجان، نمره 287.