احمد داعی

ویکی‌پدیادان، آچیق بیلیک‌لیک‌دن
پرش به ناوبری پرش به جستجو

 احمد داعی 14. یوزایلین ایکینجی یاریسی‌ ایله، 15. یوزایلین باشیندا عثمانلی‌دا یاشامیش اولان، چوخ اثر یارتمیش عالیم بیر شاعیردیر.   

  آتاسی‌نین آدی ابراهیم، باباسی‌نین آدی ایسه محمددیر.[۱]

یاشامی[دَییشدیر]

  گرمیانلی دیر. اثرلریندن چیخان سونوج، اونون گرمیان بیگی 2. یعقوب بیگ، عثمانلی سولطانلاریندان امیر سلیمان (1402-1410)، محمد چلبی (1413-1421) دؤنم‌لرینده یاشادیغی‌دیر.[۲][۳] او دا شیخی کیمی گرمیان ا‌وغول‌لاری حؤکومدارلاری‌نین حیمایه‌سینده یئتیشمیش و شهزاده‌لر چاتیشماسیندا 1. بایزیدین اوغلو امیر سلیمان‌ین طرفینی توتموشدور. "چنگ‌ نامه" و "فراح‌نامه" اثرلرینی اونون آدینا یازمیشدیر. احمد داعی‌نین بونلاردان باشقا "عقودالجواهر" آدیندا بیر لوغتی اولوب دمیرتا‌ش‌ پاشازاده اومور بیگین امرییله ده حافظ ایصفاهانی‌نین "الطیب النبوی"اثرینه دایر " کتاب الشفا و احادیث المصطفی" آدیندا بیر ترجومه یازمیشدیر. ابولیث سمرقندی‌نین تفسیرینی ده ائله‌جه تورکجه‌یه چئویرمیشدیر. بونلارین هئچ بیری باسیلمامیشدیر. 

  احمد داعی‌نین اؤز ال یازیسی‌ ایله اولان دیوانی دا باسیلی اولماییب بورسا‌دا اورهان غازی کیتابخاناسیندا‌دیر. احمد داعی بو دیوانی حاجی خلیل خیرالدین پاشا آدینا اتحاف ائتمیشدیر.[۴] محمد چلبی دؤنمینده سولطان آدینا "تذکرة الاولیا" آدلی اثرینی قلمه آلمیشدیر. تصوف طرزینه گیرمه‌یه‌رک شعیرلرینده بیر اینجه‌لیکله برابر اؤزونه مخصوص بیر طرز تعقیب ائتمیشدیر. شاعیرین بو تاریخدن سونرا چوخ یاشامادیغی سانیلماقدادیر. احمد داعی‌نین حیاتیندا محمد چلبی، موسی چلبی و امیر سلیمان‌ین تأثیری چوخدور و یاشامی بویونجا اونلارا باغلی قالمیشدیر.2.. مرادی حؤکومدار اولاراق مدح ائدن شعیرلری احمد داعی‌نین 1421'دن سونرا اؤلدوگونو اورتایا قویماقدادیر.  "کشف الظنون" داعی‌نین اؤلوم ایلینی تخمیناً1421 اولاراق گؤسترمکده دیر.[۵]

شعیرلریندن اؤرنک[دَییشدیر]

عشقین یولونا اوخ کیمی جان دوغرولوق ائیلر

تا قاشلاری‌‌نین یایینا قوربان اولا بیر گون

او زولف-‌ی پریشان مانا گؤرسن نه‌لر ائیلر

دیمز مانا کیم گؤنلو پریشان اولا بیر گون

اغیاری سوروب گؤنلوم ائوین خلوت ایدیندوم

تا کیم گله اول یار آنا مهمان اولا بیر گون

ائی بولبول-ی دیل-خسته ملول اولما قفسده

کیم منزیلین اول باغ و گولیستان اولا بیر گون

هم باد-ی صبا ائره بشارت وئره گولدن

هم قونچا داخی گول کیمی خاندان اولا بیر گون

هیجران سونوجو وصله دؤنوب شاد اولا داعی

بو غمدن آنین دردینه درمان اولا بیر گون

اتک یازی‌لار[دَییشدیر]

  1. ^ Güler, K.-Türkmen, U. Kütahya Sanatçıları, KUTSO Kültür, Kütahya, 2013, s, 26
  2. ^ İsmail Hikmet Ertaylan, Ahmed-i Dâ'i'nin Hayatı ve Eserleri, İstanbul, 1952
  3. ^ ...,Ahmed-i Dâ'i ile İlgili Yeni Bilgiler, TD. C VII, Ankara,1977
  4. ^ İsmail Hakkı Uzunçarşılı, Kütahya Şehri, İstanbul Devlet Matbaası, 1932, s, 213, 214
  5. ^ Güler, K.-Türkmen, U. a.g.e., KUTSO Kültür, Kütahya, 2013, s, 26