حاج علی سیفی

ویکی‌پدیا، آچیق بیلیک‌لیک‌دن

چاغداش آذربایجان شاعیری، مره‌غئی کندینده آنادان اوْلوب. آقای سیفی شعرده <<علی>> تخلص ائدیر.

آد و سوی آد : حاج علی سیفی

آتاسی‌نین آدی : صادقعلی

دوغوم ایل:1339 (گونش ایلی)

دوغوم یئری: ساوانین مرغئی کندی

ایش : صادرات بانکی کارمندی

مدنی ایشلرینین سابقه‌سی: 25 یاشدان شعر دئمه‌یه باشلاییب و ایلک شعرینی فارسجا دئییب. آمّا اوشاقلیق دؤوروندن تورک ادبیاتی، مخصوصاً تیلیم خانین شعرلری ایله تانیش اوْلموش. آتاسی رحمتلی صادقعلی سیفی، بیرچوخ تئلیم خانین شعرلریندن ازبرایمیش و گؤزل سسی ایله اوخویارمیش. یاخین اوچ مین (3000) بیت فارسجا شعر(غزل ،مثنوی، طنز, و انتقاد) و 80 قطعه تۆرکجه شعر (غزل و بئش-بئش) یازمیش کی هله‌لیک اونون بۇ شعرلری توپلانمامیشدیر. رحمتلی علی کمالی تئلیم خان شعرلری اوزره چالیشان زامان، اونلا امکداشلیق ائدرکن تورک شعرینه ماراقلانیب و تۆرکجه شعر دئمه‌یه باشلاییب‌دیر.

شعرلریندن اؤرنک[دَییشدیر]

آت اؤلن

گؤیول قوشو گینه پروازه گلدی

اوچوب قوندو قرا میل‌لر دؤشونه

چمنلر سبز و بستان گوللو دمساز

قونار بولبول کیمی گوللر دؤشونه

بولوت گلیب آت اؤله‌نه یاغاندا

چایلار دولوب سئل‌لر جوشوب آخاندا

اوجه‌لردن اوبالارا باخاندا

قارا میل دایانیر سئللر دؤشونه

آت اؤلنین صفالی‌دیر باهاری

آخار سویو غم غصّه نی آپاری

یاتاقدا چوپانلار سوت داش ناهاری

آچاللار سوفره‌نی گوللر دؤشونه

حسرت واریم آت اؤلنین یایینا

هاچان اولا بیرده گؤزوم آیینا

سئیره چیخم چشمه‌سینه چایینا

اسه باد-صبا چؤللر دؤشونه

خییال مرکبینی مینیب گزنده

قلم حیرت ائدیب هردم آزاندا

"علی" اؤلکه‌میزین وصفین یازاندا

یازیلار سؤزلری ائللر دؤشونه<poem>



اوخویاجاغینیز شعری ساوالی چاغداش شاعیر "حاج علی سیفی" تیلیم خان گدیگی‌نه خطاب سویله ییبدیر:

<poem>گل اووچو گئد بۇ داغلاردان
بو داغلارین مارالی یوخ

سالیبدیلار تورا بیر گون
آلا گؤزلو غزالی یوخ

نشانم تیر-مژگانه
منیم کیمی یارالی یوخ

آدی تاریخه ثبت اولدو
بو داغین دا زوالی یوخ

اوٍچوب تئیهولاری بوردان
داهی قال و مقالی یوخ

قالار تا واردی بۇ دوٍنیا
گوٍن ایله ماه و سالی یوخ

او جامی کی تیلیم ایچدی
اونون مثل و مثالی یوخ

علی ختم ائیله دی شعری
سؤز اوزاتماق خیالی یوخ

قایناق‌لار[دَییشدیر]

حکیم تیلیم خان وئبلاقی

قایناقلار[دَییشدیر]