حسین منزوی

ویکی‌پدیا، آچیق بیلیک‌لیک‌دن

حسین منزوی (مهر ۱۳۲۵–۱۳۸۳) فارسجا و تورکجه شعر یازان زنجانلی شاعیر؛ مۆعاصیر ایران فارس یئنی غزلین آتاسی.

حیاتی[دَییشدیر]

حسین منزوی زنجان شهرینده دونیایا گلیب و بیر موددت تهراندا یاشادیقدان سوْنرا زنگانا دؤنور و عؤمرونون سوْنونا قدر بۇ شهرده یاشاییر.

یارادیجیلیغی[دَییشدیر]

منزوی‌نین چوخلو اثرلری فارس دیلینده‌دیر؛ و شهریارین حیدر بابایه سلام منظومه‌سینی ده فارسجایا چئویریب. دومان باشلیقلی کیتاب اونون تورکچه شعرلرینی احتوا ائدیر. بۇ کیتاب ایللر بویونجا نشر یولو گؤزله‌یندن سوْنرا ۱۳۹۵جی ایل زنگاندا نشر اولوندو. کتابدا شعرلرین اورژینالی ایله یاناشی، اونون فارسجا چئویریسی ده وئریلیبدیر. بهروز منزوی شعرلری فارسجایا ترجومه ائدیب. منزوی‌نین تورک شعرلری بیرینجی دؤنه زنگان شهرینده نشر اوْلان دان اولدوزو مجموعه‌سینده یاییملاندی. منزوی شعرلرینده آذربایجان فولکلورو و افسانه‌لریندن چوخلو فایدالانیب‌دیر. منزوی‌نین آتاسی اوستاد محمد منزوی ده شاعیرایدی و ایکی دیل ده شعر یازاردی. محمد منزوی شهریارین حیدر بابایه سلام منظومه‌سینه بیر نظیره یازیب‌دیر. بۇ نظیره حسین منزوی‌نین فارسجا ترجمه‌سیله برابر حیدربابانین ترجومه‌سی سوْنوندا وئریلیب‌دیر.

قایناق‌لار[دَییشدیر]