پرش به محتوا

مینا کهربایی

ویکی‌پدیادان، آچیق بیلیک‌لیک‌دن
مینا کهربایی
آدمینا خانیم کهروبایی
دوْغوم تاریخ30 شهریور 1359
نمین
اؤلوم تاریخ4 مهر 1390
تحصیلکامپیوتر مهندسلیگی

مینا کهروبایی، آذربایجانلی شاعیر، قزئته‌چی و میلی فعال.

یاشاییشی[دَییشدیر]

30 شهریور 1359-جی ایلده نمین شهری­نین کندلری­نین بیرینده دوغولدو. هله بیر یاشی اولمامیشدی کی عاییله­سی ایله بیرلیک ده کرج شهرینه کؤچدولر.

مینا خانیم ایلک مکتب، اوْرتا و دیپلومانی کرج ده بیتیرندن سوْنرا، زنگان شهری­نین آزاد بیلیم یوردوندا بیلگی­سایار (کامپیوتر) موهندیس­لیگینده قبول اوْلدو، او اورادا آذربایجان میلی حرکتی ایله تانیش اوْلدو. بودا اونون یاشاییشیندا دؤنوم نوقطه­سی اوْلدو، ائله کی او آذربایجان اوغرونا چالیشمانی اؤزونه گؤره­و بیله­رک ، شهریار درنگینه اویه اوْلوب، بیر میلتچی کیمی چالیشماسینا سبب اوْلدو. ائله کی یولداشلاری ایله بیرلیکده شهریار درگیسی­نی یولا سالیب اونون سوروملو مودورو اوْلدو. دئمک اولار مینا خانیم او ایللرده زنگان شهرینده چوخلو تؤرن و سمینار دا آپاریجی­لیق ائتدی. مینا خانیم درسینی بیتیرندن سوْنرا ایبراهیم به‌ی جعفرزاده ایله آداخلاندی.

مینا خانیم حایات یولداشینا تؤردیلن چتینلیکلره باخمایاراق، اونون او چتین گونلرینده هر زامان یانیندا اوْلدو و بیر آن اونو یالنیز بوراخمادی. 1389 ایلی­نین آبان آیی­نین اوْتوزوندا سئوگیلری­نین مئیوه­سی آیلانین دوغولماسی، حایاتلاریندا، آذربایجان، سئوگیلی و اوشاق سئوگیلرینی اوچلشدیردی. نه یازیق کی 1390-جی ایلین مهر آیی­نین دؤردونده سحر چاغی ساعات 6-­دا خوی جاداسی، قاپیلیق کندینه یاخین بیر یئرده بالاسی آیلا و حایات یولداشی ایبراهیم ایله بیرلیکده دونیادان کؤچدولر.

شعرلریندن اؤرنک[دَییشدیر]

آجیخدیم، آغلادیم

منه لایلای چالدیلار

سوسوز قالدیم، باغیردیم

منه لایلای چالدیلار

خسته‌­لیکله چیغیردیم

منه لایلای چالدیلار

اونلار- لایلای چالارکن

یوخلادیم، یوخلادیم

آغلامادیم، باغیرمادیم

چیغیرمادیم، یوخلادیم

ایندیسه

اویانماق ایسته‌سم ده اگر

یوخو گؤزلریمی باسیر

اونلار لایلای چالدیلار.

آیلا جعفرزاده[دَییشدیر]

۱۳۸۹ایلی­نین آبان آیی­نین اوْتوزوندا دونیایا گؤز آچدی و آتا ـ آناسی ایله بیرگه بۇ دونیایا گؤز یومدو. آناسی مینا خانیم کهروبایی، آتاسی ایسه ایبراهیم به‌ی جعفرزاده ایدی.

قایناقلار[دَییشدیر]


قایناق‌لار[دَییشدیر]