هوشنگ جعفری

ویکی‌پدیا، آچیق بیلیک‌لیک‌دن
پرش به ناوبری پرش به جستجو
هوشنگ جعفری

هوشنگ جعفری، چاغداش آذربایجانلی شاعیر و رسّام.

حیاتی

هوشنگ جعفری ۱۳۳۷–جی هیحری گۆنشلی ایلده زنگان اوستانینین ماهنیشان بؤلگه‌سینده یئرلشن اوریاد قصبه‌سینین قلعه‌جیق کندینده دونیایا گلیب. رسّام‌لیغی اۆستاد رحیم نوه‌سین‌دن اؤیرنیب. زنگان والی‌لینین باش معاونلریندن بیری اوْلۇب. آما "حاجیلار" و "بلا وۇرۇن بئله فرماندارا" شئعرلرینی یازدیقدان سوْنرا اۆچ ایل خالقین خیدمتیندن دؤولتین الیله اۇزاقلاشدیریلیب. اۆچ ایلدن سوْنرا ماکیناچی کیمی خیدمته چاغایریلیب.

اۆچ قیزی و بیر اوْغلۇ وار. اوْغلۇ قریمچی، قیزلاریندان بیری شاعیره، بیری رسّام، اۆچۆنجۆسۆ ایسه مینیاتۆرچۆدۆر.

زنگان

هوشنگ جعفری زنگانین آدینین یئنیدن آزربایجانا چئوریلمسینه داییر تئزیسلر ایفاده ائدیب و اوْ آدین یئنی‌دن زنگانا وئریلمسینی ایستییر. بۇنا گؤره جعفری دئییر کی زنگانین آدی قیزیل آذربایجان (قیزیلین آرتیریلماسی داها ایکی آزربایجاندان آیری تۇتۇلماسیدیر) اوْلمالیدیر نییه کی اورادان قیزیل اؤزن کیمی آخار چای کئچیر و دیرلی قیزیل، میس و آیری معدنلار بۇ اوْستاندا بۇلۇنور.

یارادیجیلیغی

گئجه تا صبحه کیمی من مله‌دیم بیلمدینیز هئچ!،
اۆریین قانینی گؤزدن اله‌دیم بیلمدینیز هئچ!،
گۆن چیخان وقتتا ییغیشدیز بیر آغاج کؤلگسینه،
اۇیدۇز اولده اۆرکدن قارا بایقۇش سسی‌نه،
اوْیانان اوْلمادی کیمسه اوْ آغاج شیهه‌سینه،
نه یۇخۇ، لش-لشین اۆسته کله‌دیم بیلمدینیز هئچ،
قوْللاریزدان یاپیشیب سیل‌که‌له‌دیم بیلمدینیز هئچ.


باخدیم دالیسیجا یار گئدنده،
بیر یوْلدا دئدیم باخار گئدنده،
باخدی قاپیدان کئچنده گۆلدۆ،
بیلمزدی اۆرک اۇمار گئدنده،
باغلاندی دیلیم اۆرکدن آما،
آز قالدی چکیم هاوار گئدنده!،
سندن سونرا عشقی نئی‌نییرم من!،
آل عشقینی‌ده آپار گئدنده.

خاریجیی کئچيدلر

Youtube دا باخین