حبیبی

ویکی‌پدیادان، آچیق بیلیک‌لیک‌دن

حبيبي برگوشادي آذربايجاني، (قرن 9-10هـ/14-15م) ـ "کرزالدين بيگ" لقبلی و شؤهرتی "ملک الشعراي شاه اسماعيل صفوي" شؤهرتلی آذربایجانلی شاعیر.

حیاتی[دَییشدیر]

مشهور آذربايجان شاعيري، بؤيوک فوضولينين اوستادلاريندان ساييلان حبيبي تقريبن 1470-1475-جي ايللرد،گؤيچاي قضاسيندا اينديکي اوجار رايونونون برگوشاد کندينده آنادان اوْلموشدور. اصل آدي منبعلرده چکيلمير. روايته گؤره اوشاقليقدا چوبانليق ائتميش حبيبي تصادوف نتيجه‌سينده گنج ياشلاريندان آغقويونلو حؤکمداري سولطان یعقوب سارايينا گتيريلميشدير. سونرالار شاه ايسماييل ختايینين ساراييندا بؤيوک نوفوذ قازانميش، حتّي ملک الشعرا اوْلموشدور. چالديران ووروشماسيندان (1514) سونرا عؤمرونو تورکييه‌ده کئچيرميشدير. منبعلرده تورکييه‌يه گئتمه‌سينين سببلري باره‌ده دقيق معلومات يوخدور. صنعتکارليغي ايله فوضوليني بئله حئيران ائدن شاعيرين ديواني دؤوروموزه‌دهک گليب چاتماميشدير. ادبي ايرسيندن يالنيز 50-يه قدر شعري (قصيده، غزل، مسدس، توحيد، قطعه و ساير) معلومدور. شعرلرينده اينسان لياقتيني، معنوي گؤزلليگي، محبتي ترننوم ائتميشدير. حبيبينين ياراديجيليغي آذربايجان شعرينه (شاه اسماعیل خطایی، فضولي و باشقالاري)، عوموميتله، تورک ديللي پوئزييايا گوجلو تاثير گؤسترميشدير. شعرلرينين ديلي اکثر حاللاردا خالق ايفاده طرزينه ياخين و ساده‌دير. چتين آنلاشيلان عرب و فارس ترکيبلري آزدير. حبیبی نین مزاری، استانبولون سوتلوجه محله سی نین، جعفرآباد تکیه سینده دیر.

اثرینین یاییملانماسی[دَییشدیر]

حبیبی نین شعرلری ایلک دؤنه، محمدفؤاد کؤپرولو طرفیندن 1932 نی ایلده، استانبول دا، ادبیات فاکولته سی مجموعه سینده یاییملانمیشدیر.[۱]

قایناقلار[دَییشدیر]

  1. ^ آذربايجان ادبيات تاريخينه بير باخيش: ج1, صص31-32.
  • محمدعلی تربیت، دانشمندان آذربايجان: ص112؛
  • آذربايجان ادبيات تاريخينه بير باخيش: ج1, صص31-32.