عارف (شاعیر)
عاریف ادبی آدییله چالیشان، مصطفی آقا، آذربایجانین هیجری ۱۲-جی یۆز ایلینین آدلیم شاعیرلریندن دیر. ه.ش ۱۱۵۱-جی ایلده قازاخدا دوْغولموشدور. عاریفین یاشاییشی تۆرک-رۇس ساواشلارییله بیر زاماندا اوْلوب، بۇ ساواشلار اۆچون اوْنا و اوْنون یاخینلیغیندا اوْلان میلّته چوْخلو چتینلیکلر گلمیشدیر. بۇ چتینلیکلر عاریفین شعرلرین اثرلندیرمیشدیر.[۱]
شعرلریندن میثال
[دَییشدیر]عاریفین چکدیگی چتینلیکلری و وطندن قاچقین دۆشدوگونو انعکاس ائدن شعرلریندن بیر میثال:
فیکر ائیله‌رم، بیر بیر دۆشر یادیما، | ||
یار و همدم، دوست، یارانلار، آغلارام. | ||
دوْلار گؤزلریم اشک آل ایله، | ||
گؤزلریمدن آخار قانلار، آغلارام. | ||
وعده گئچدی، گۆنلریمی سانارام، | ||
آیلار، ایللر، حسابینا قانارام، | ||
هر زمان یادیما دۆشر یانارام، | ||
اوْ دؤورانلار، اوْ زمانلار، آغلارام | ||
گؤزوم دؤنسون بئله دؤوران، زمانلار، | ||
ترک ائیله‌ییب باغلارینی باغبانلار، | ||
خزان ده‌ییب، سوْلوب گۆل و ریحانلار، | ||
آرالیبدیر گۆلوستانلار، آغلارام! | ||
سر چشمه‌لی، نیلوفری بۇلاقلار، | ||
سۇسنلی-سۆنبوللو، لاله‌لی داغلار، | ||
دۇمانلی، چیسکینلی، قارلی یایلاقلار، | ||
هانی بیزیم اوْ مئیدانلار، آغلارام! |