هایده بلوکی
| هایده بلوکی | |
|---|---|
| آد | هایده بلوکی |
| قیسا بیلگی | شاعير , دکلماتور |
| دوْغوم تاریخ | ۱۳۶۴ نجی گونش ایلب تبریز |
| میللیت | ايران |
| آیری آدلار | اؤزلم |
| تحصیل | دیپلم |
هایده بلوکی (اؤزلم) تخلوصی ایله ایران آذربایجان تبریز لی چاغداش تورکجه یازان شاعیر
یاشاییش
[دَییشدیر](اؤزلم) تخلص ائدن محمود قيزی هايده بلوكی 1364-نجی ايل تبريز شهرينده ايشيق دنيایا گؤز آچمیشدیر، تحصيلاتین ديپلما قدر داوام وئریب واخت الده ائتديگی قدر يازیب و یارادیب. ائو خانیمی اولدوقدا ،آنجاق ۷ ايلدن آرتيق اولار اؤز آنا ديلينده ماراقلاناراق شعر و يازیلارينی آذربايجان توركجه‌سينده یازیب هم دیکلمه ائدیر.
شعرلري سانال دنياسيندان اؤته تبريزده نشر اولان »مهدتمدن« هابئله توركجه »سانجاق« درگيسی‌ينده و ادبی کؤرپوده چاپ اولونور. شعرلری سئوگیسل و،غزل ،گارایلی ،قوشما ،نثر قالیبینده و.....
بیر قوجاق اؤزلم کتابی 1399-جي ايلده ايشيق اوزو گؤرن ايلك شعر اثريدير.
اثری و کتابی
[دَییشدیر]بیر قوجاق اؤزلم
اثرلریندن اؤرنک
[دَییشدیر]دوشور
سن گئدیرکن فصیللری، چکدین دالینجا بیر به بير
تومارلایاندا یاز الین ،اوره‌ييمه بير یای دوشور
سئوگیده‌کی ناغیللاری گؤزوم یازاندا کؤنلومه
سئودالی قيزلار خترینه، سانکی چیلقین هارای دوشور
یورقون خیال اللریندن، قوجاق دولو عشق اوماندا
خاطیره‌لر دونياسينا، حسرت دولو بير پای دوشور
ایچیمده اولدوز هارایی، اورییمی درده سالیر
سئودالانمیش دویغولارا، لال باخیشلی بیر آی دوشور
گؤیچک سارا تئللرینی، آلمیش الیندن روزگار
ظولوم دولو سئل قوینونا، نیسگیللی بیر سارای دوشور
سن قاليرسان او تايلاردا، من جومورام درد ايچينه
حسرت دولو كؤرپولره، آراز بويوندا چاي دوشور
آیریلیغین تئللرينه، باخیشلارین مضراب چكير
«اؤزلم»ين سؤز دفترينه، سیزیلدایان آخ ـ وای دوشور
اؤز تورپاغيمدا
باش قالديران
بير تومورجوغام
ايچيمده باتيب دوغان
بير گونش
خيال آغاجلاريمين
داماريندا آخان روزگار
اؤز كؤلگه‌سينه سؤيكه‌نن
آيام ،اوره‌ييمين سيرداشي
اولان يانديريجي نفس،
قار ساياق ياشاميشام
ياغيرام،
پاييزلاييرام،
خزللشمه‌ييم
ايچيمدن باشلانير
هردن دوداقلاريمدا
چيچكله‌نيرم،
گاهدان ياش اولوب
ياناقلاريمدان آخيرام
آن با آن
يورقون سئوگي‌لر كيمي
يالقيزليغيمی قوجاقلاييرام!
حایاتا تاپشیرین منی اۆزمه‌سین
شاختاسیز آغاجین دوشموش ناریام
آداقلی اولموشام اؤلوم اوغلونا
گوناهسیز آسیلان باشین داریام
حایاتا تاپشیرین منی اۆزمه‌سین
کیمسه سیز گؤمولن مزار داشیام
آنامین گؤزونده نیسگیل دالغاسی
آتامین ائوینین دادسیز آشیام
حایاتا تاپشیرین منی اۆزمه‌سین
طوفاندا غرق اولوب باتان گمی‌یم
یایلاقسیز دورنانین بوزلو آداسی
توپراغی حاصیل سیز قالان زمی‌یم
حایاتا تاپشیرین منی اۆزمه‌سین
اؤتمه ین ماهنیلار بسته‌سی منم
یاشاییش آجیسی جانیمی یاخیر
بیتمه‌ین غزلین خسته‌سی منم
حایاتا تاپشیرین منی اۆزمه‌سین
قلمین قارشیندا آجی سؤز منم
آلیشیب قوورولان ماتم اوجاغی
طالعی تۆکنمیش دردلی اؤزلمم
قایناق
[دَییشدیر]
شابلون:تورک ادبیاتی
{آذربایجان تورکجه‌سی‌نین ادبیاتی}}
.jpg){kind=small} | بو تورک ادبیاتی ایله باغلی مقاله، بیر قارالاما مقاله دیر. بونو گئنیشلندیرمکله ویکی‌پدیایا کؤمک ائده بیلرسینیز. |