زهرا بادره

زهرا بادره
آد	زهرا بادره
قیسا بیلگی	شاعير ؛ یازیچی
دوْغوم تاریخ	۱۳۴۲ گونش ایلی بهمن آیی تهران
میللیت	ايران
آیری آدلار	آنا

زهرا بادره (آنا) تخلوصی ایله تانینمیش ایران آذربایجان تهران دا یاشایان ؛ کؤک اردبیل لی چاغداش تورکجه یازان شاعیر و یازیچی

یاشاییش

زهرا بادره ۱۳۴۲ نجی ایلده تهران شهرینده قار کولک یئریلن گوئو بیربیرینه تیکنده ، بهمن آیینین ایگیرمی آلتیسندا دونیایا گؤز آچیب .

اونون دونیایا گلمه یی ایله آتاسی نین دده بابا شهرینه یانی اردبیله قاییتماغی بیر اولور ، کؤچلرینی اردبیله قایتاریر. اردبیلده بویا باشاچاتیب اورتا مکتبلرینده درسینی قورتاریب طب باجیسی عنوانیندا خسته خانالاریندا ایشله ییر .

اردبیلده ائولنیب دؤرد اوشاغا صاحیب اولور . ۱۳۷۴نجی ایلده کؤچلرینی تهرانا گتیریب خسته خاناسیندا ایشینی داواملاندیریب و نهایت ۱۳۸۴نجی ایلده بازنشست اولاندان سونرا کرج شهرینی یاشاییش یئری سئچیب کؤچلرینی کرجه گتیریب . بازنشست اولاندان سونرا قلمی الینه آلیب و خسته خانادا آجی ، شیرین کئچیردیگی گونلردن یازیب بئله جه یازماق دونیاسینا آیاق قویوب بو قونودا چالیشماغا باشلاییر.

اؤزونو تورک قیزی بیلیب و آرزیلارینین بیریسی آنا دیلینده تورکجه یازماغیدیر .

بو واخت جرئت ائله ییب اؤزونو"' آنا"' آدلاندیرماقلا چالیشیب بیر آنا کیمی وطنین اوشاقلارینین چتینلیکلرینه باخیب و اونلارا گؤره یازا.

چالیشمالاری و کتابلاری

---

• سی سال زندگی در بیمارستان فارسجا رومان

• داستان خدا فارسجا رومان

• گذر از اندوه فارسجا رومان

• گورخواب فارسجا اوُیکو

رقص اندیشه ها فارسجا(آقای احمد دولت آبادی) ایله بیرلیکده

---

• قارا بوغما تورکجه

• دویغولو گئجه لر تورکجه

• آی سودا تورکجه رومان

• تخیلی ناغیللاری و هابئله پلیسی ناغیللاری واردیر کی واختلاری یئتیشنده ایشیق اوزو گؤره جک لر ان شاللاه .

---

اثرلریندن اؤرنک

داریخیرام

داریخیرام

آغ ائویمده

قیرمیزی اوتاغیمدا

یاشیل حیاتیمدا

داریخیرام

ائشیگده ده گزنده

باغچالاری آددیملیاندا

گوئه باخیب

ماویلرده سئیر ائدنده

داریخیرام

گئجه لر، گونوزلر

گرده لره گؤز زیلله ییب باخاندا

داریخیرام

گونشله آی باتاندا

آلا قارانلیق

سانجیلانیب دوغاندا

هئی داریخیرام ...

هئی داریخیرام ...

یاشام نئجه داریخمالی

اولوبدور...

---

"' آی سودا '" ناغیلندان بیر بولوم

آی سودا دفتر، قلم ، مدرسه گئييم لرين يئرين اوزونه دوزوب ، خيال قوشون اوچوردوکجه، اوُزونو مدرسه ده قارا تاختا قاباقيندا گوروردو. هردن ده خيردا گولومسئيب مكتبخانانين حيه طينده گزيردي .

آتا آناسينين سوزلري ايسته ر ايسته مز اونون قولاقلارين گونده تومارلاییردی . آتا : گون اولاجاق بوتون تورك ديلينده اولان شهرلريميزده آنا ديليميزي اوشاقلارا  درس وئره جكلر !

آنا : واختي منيم اوشاقيم اوُز آنا ديلين يازيب اوخويا بيلمير نه جور فارسي ديلين اورگشه بیلسین ؟ منجه دوز سوزو سیز دئیرسیز ، اولجه توركيني اورگشیب سونرا فارسي ديلينده يازيب اوخوماق اون ایچین راحات اولار . آی سودا آتاسينين ان آرزيسين گونده گوروردو بوتون جانيلان ايستيردي آتاسينين آرزيسين يئرينه يئتيرسين . گون اولدو مکتبه گئدن گون چاتدی . سحر چاغي تئزدن آناسينان يولا دوشوب مدرسيه گئتديلر.

كلاسلار آییریشیندان سونرا ، كلاسين آخيريندا بير ماسانين داليندا ائيله شدي . آز زامان کئچیب بير قادين دفتر قولتيغيندا كلاسا گيريب اوزون تانيتديرماقا دئدي :من سيزين معلليمينيزم آدينيزي چاغيريرام بير بيريميزنن تانيش اولاق سونرا درسيميزي باشلياق.

سونرا معلليم گچي نن بير شكيل قارا تاختا اوستونده چکمکله دئدي : اوشاقلار دئيين آب !!اوشاقلار هاميسي دئديلر : آب، کیلاسين سونوندان بير نفر سسلندی : سو !!

معلليم سسی قولاق آردينا آتیب گينه ده دئدي : آب ، آی سودا هاميدان باشقا قییم نن قيشقيردي : سو!! بو دونه اوشاقلار ايكي دسته اولوب ، ياريسي سو ، ياريسي آب دئديلر ! معلليم اوزون تاختاسینی ، قارا تاختيا چيرپيب گوزون بئره لئيب  سسين اوجالدیقجا دئدي :دئيين آب !! آنجاق اوشاقلارين هاميسي بيرلیکده، سسلنیب قيشقيرديلار : سو !! معلليم ناچار دفترين قولتوغونا آلیب معلليم لر اوتوراقينا ساري گئتدي ، مکتبین مديرینه گزارش وئرسين . آی سودا هئچ نه منيه فيكر ائله ميردي . او آتاسينين يالنيز آرزيسينين بيتمه سين آرزيلئيردی .

سئوينه سئوينه  اطرافینداکی اوشاقلارا باخیب ، موعللیمینی گودوردو گليب اونلارا آنا ديلين درس وئره جك !!

قایناق

• گیسوم کتاب

• سایت نگار تابان Archived 2021-07-09 at the Wayback Machine.

• خبرگزاری ایبنا

شابلون:تورک ادبیاتی {آذربایجان تورکجه‌سی‌نین ادبیاتی}}