آسترونومی

ویکی‌پدیا، آچیق بیلیک‌لیک‌دن
بوغا بورجونده کی ینگج شکیللی دومانلیق - هابل تلسکوپو

آسترونومییا (یونان سؤزو اوْلوب آسترون (ἄστρον) "اولدوز" و نوموس (νόμος) "قانون" سؤزلرینین بیرلشمه سیندن یارانمیشدیر.) – [فارسجا] :اختر شناسی – گؤی جیسیم لری (قالاکتیکالار ، اوْلدوزلار ، کومئت لر (فارسجا : ستاره دنباله دار) ، سیاره لر) ، اونلارین سیستم لرینین حرکتی ، قورولوشو ، منشاء ی و اینکیشافینی اؤیره نن علم دیر.

آسترونومی یا قدیم تاریخه مالیک دیر. آسترونومی یایا عاید ایلک المئنتار معلومات لار مین لرجه ایل بوندان اول بابیلده ، میصیر و چین ده معلوم ایدی. قدیم زامانلاردا آسترونومی یا بیر سیرا علم لرین مجموعونا دئییلیردی. بونلارین ایچینده ناویقاسی یا ، مئتورولوژی یا (meteorologiya) و حتی آسترولوژی یا (فارسجا:طالع بینی) دا واردی. گونوموزده آسترونومی یا دئدیکده اساس اولار اق آستروفیزیکا باشا دوشولور. آسترونومی یا ایکی یئره بؤلونور: نظری و ویزوال آسترونومی یا . آسترونومی یا آسترولوژی یا ایله قاریشدیریلمامالیدیر. هر ایکی سی ده اورتاق ترمین لری پایلاش سالار دا ، و اورتاق کؤکه صاحیب اولسالار دا تامام ایله آیریدیرلار.

تاریخی اینکیشاف[دَییشدیر]

آنتیک دؤور[دَییشدیر]

آسترونومی یا معاصیر طبیعت علم لرینین ان قدیمی دیر. احتمال کی ، تقویمه اوْلان احتیاجلا بیرلیکده اورتایا چیخمیشدیر. قدیم زامانلارین آسترونوم لاری راهیب لر ، شامانلار ، درویدلر و کاهین لر ایدی. او زامان آسترونومی یا داها چوخ آسترولوژی یا (فارسجا : طالع بینی) ایله بوتون حساب اوْلونوردو. بعضی فرضیه لره گؤره استون هنج ، مئزوپوتامی یاداکی ، زیگورات لار ، مایالارین و چینلی لرین پیله لی هرم لری ان قدیم رصدخانالار ایدیلر. مایا تقویم لری بۇ گون بئله چوخ دقیق حساب اوْلونور. عین ایله چین اوْلدوز کاتالوقلاری دا قدیم آسترونومیک حادیثه لری اؤیرنمک اوچون قیمت لی منبع دیر.

قدیم زامانلار[دَییشدیر]

یونان عالیم لری آسترونومی یانین اینکیشافینا خصوصی تؤحفه لر وئرمیشلر. ارسطو ، كلاوديوس بطليموس ، هیپارکس ، فالس ، آراتوس دیگر علمی کشف لرله یاناشی آسترونومی یا ایله ده مشغول اولوردولار . بطليموس سیاره لرین حرکت لرینی ایزاح ائده بیلمک اوچون ژئوسنتریک نظریه سینی ایشله یب حاضیرلامیشدی.

ژئوسئنتریک نظریه[دَییشدیر]

روما ایمپری یاسینین سقوطوندان سوْنرا آوروپادا علمی اینکیشاف دایاندی. کلاسیک دؤور آسترونومیک معلومات لاری اونودولدو و خریستیانلیغین دستکله دییی غیری علمی نظریه لر یایلماغا باشلادی. لاکین بۇ دؤورده مسلمان و هیند عالیم لری آسترونومیک مشاهیده لری آپاریر و آنتیک یونان مولیف لرینین علمی اثرلرینی عربجه یه چئویریردی لر. خاچ یوروش لر (صلیبی ساواشلار) زامانی مسلمان عالیم لرینین اثرلری ده آوروپادا تانینماغا باشلاندی. کیلسه بۇ یئنی بیلگی لرله باریشماق ایسته میردی. ژئوسئنتریک سیستمی قبول ائتمه ین عالیم لر تعقیب اوْلونوردو.

هئلی سئنتریک نظریه[دَییشدیر]

نیکلای کوپرنیک طرفیندن ۱۵۴۳ – جو ایلده نشر اوْلونان "گؤی جیسیم لرینین فیرلانماسینا دایر"(De revolutionibus orbium coelestium) اثری آسترونومی یا تاریخینده اینقیلاب ساییلیر. کوپرنیک سیستمینه گؤره ، یئر اؤز اوخو اطرافیندا و دیگر سیاره لرله بیرلیکده گونش اطرفیندا فیرلانیردی. بۇ ایدعا کیلسنین (کلیسا) یئر کایناتین مرکزی دیر تزیسینه قارشی اوْلدوغوندان فلسفی و دینی چئوره لرده بؤیوک های کوی قوپماسینا سبب اوْلدو. کوپرنیکین ایدعاسی بۇ ایدی کی اونون سیستمی حسابلامالاری آسانلاشدیریر. او همچینین سیاره لرین گونش اطرافیندا تام دؤور(siderik periodlarını) و اونلارین گونشه قدر اوْلان مسافه لرینی آسترونومیک واحید اولاراق حسابلامیشدی.

براخ و کئپلر[دَییشدیر]

گالیله دؤور[دَییشدیر]

نیوتن دؤور[دَییشدیر]

معاصیر آسترونومی یا[دَییشدیر]

خاریجی کئچیدلر[دَییشدیر]

قایناق‌لار[دَییشدیر]