لودويک بتهوون

ویکی‌پدیا، آچیق بیلیک‌لیک‌دن
پرش به ناوبری پرش به جستجو





لودویک بتهوون
Ludwig van Beethoven
Beethoven.jpg
قیسا بیلگی موسیقی‌چی، بستقار
دوْغوم تاریخ ۱۶٫۱۲٫۱۷۷۰
دوْغوم یئر بون، آلمان
اؤلوم تاریخ ۲۶٫۰۳٫۱۸۲۷
اؤلوم یئر وین
ایمضا Signature Van Beethoven.svg

لوودویک وان بئتهووئن ـ آلمانلی آدلیم و داهی آهنگساز.

یاشامی[دَییشدیر]

بئتهوون ۱۷۷۰-جی میلادی ایلده "بون(Bon)" دا دونیایا گؤز آچدی. "کوریج" آناسیدیر و آتاسی "یوهان"، دربار موسیقی‌چی‌لریندن ایدیر. بئتهوون دؤرد یاشلی اولاراق موسیقی‌نی آتاسیندان اؤیرنمه‌یه باشلادی و دوققوز یاشیندا موسیقی‌نین بوتون یول-یولاغاسین اؤیرنمیشدی. گنج چاغیندا موتسارتین یانیندا موسیقی‌نی داوام ائتدیرمه‌یه باشلادی، آناسی‌نین اؤلومو بۇ ایشی باشا چاتدیرماغا ایمکان وئرمه‌دی و نئچه باش عاییله‌نین یوکون داشیدی. سونرالار ایشین داوام وئرمک اوچون "ویین"ـه گئتدی و اوردا پارا قازانماق اوچون آزاد ایشلره قول قویدو و کاسئت‌لرین ساتماقلا بیر آز پارا قازاندی. بئتهوون بیر چوخ اشرافی ییغینجاقلارا گئتسه ده آما یاشاییشی چوخ بزکسیز ایدیر و عؤمور بویو بیر ساده ائوده مالی چتین‌لیکلرله ال‌به‌یاخا یاشادی. او هئچ واخت کیمسه‌یه باش اَیمه‌دی و دئدی؛ صنعتکارلار اشراف‌لاردان دَیرلی دیرلر. بونا باخمایاراق هامی اونا سایغی گؤسترردی. بئتهووئن ویینی ترک ائدنده اوچ ویین شاهزاده‌سی اوندان بیر چوخ آیلیق آلماقلا ویینده قالماسینی ایسته‌دیلر.

او عؤمرونده یالنیز ۹ سمفونی دونیایا هئدیه وئردی آما اونون ایشلری او قدر بؤیوکدور کی اونو «سمفونی کرالی» آدلاندیردیلار. عاییله چتین‌لیکلری و مورال (ذهنی) قاریشیقلیقلار قویموردو چوْخ موسیقی ساحه‌سینده چالیشسین و همه‌شه بئله بیر سؤزلر اورتادا واریدی کی اونون ایشی بیتدی و او هر دؤنه اونلارین جاوابیندا دئییردی؛ «بو سئری باشقا و چئشیدلی بیر زاد گؤره جک سیز» و ائله ده اولوردو. چوْخلاری بئله اینانیر کی اونون موسیقی‌سی اونون یاشاییشی‌نی و دوشونجه‌سینی گؤسته‌ریر. سونونجو یادیگاری اونون شاه اثری ساییلیر و هامی موسیقی‌چی‌لر اونو دونیانین ان آدلیم موسیقی‌چی‌سی آدلاندیریرلار. بئتهووئنه گؤره بیر اینگئلتیره‌لی یازار و موسیقی‌چی دئییر؛ «او ایکتیشافلاری‌نین درینلیینه و باشاریلارینا گؤره بوتون اینسانلیق بئیین‌لری‌نین بئینی دیر». اونون کار اولماغی‌نین ندنی‌نین بیریده پیانو ایله باس وورماغی ایدیر. کار اولماغین دوشونن زاماندا ایشیندن سویومادی، عؤمرونون سونوندا داها دانیشا بیلمیردیده و جراحی ایشلرده اونو ساغالتمادی. سون گونلرینده ساغلامسیزلیقدان، بئیین قاتیشیقلیغیندان و سئوگی یئترسیزلیگی اوزوندن چوْخ پیس دورومدایدیر. بوندان باشقا دانوب چایی‌نین سمی بالیغی و قور-قوشوملو سویو ایچمک دن ۱۸۲۷ – جی میلادی ایلده دونیادان گؤز یومدو.

دونیادان گؤز یومارکن قارداشینا دئمیشدی؛ «من بوتون گوجومله و اؤز ایسته‌ایمله اؤلومو قارشیلاییرام آما اؤلوم منیم صنعته اولان سئوگی اودومو سؤندورمه‌یه گلسه، چوخ تئز گلیب دیر». اؤلوسو اؤز دوغما یوردونا قاییتدی.

قایناقلار[دَییشدیر]