آلبرشت دورر

ویکی‌پدیادان، آچیق بیلیک‌لیک‌دن
آلبرشت دورر
دوغوم۲۱ مهٔ ۱۴۷۱
اؤلوم۶ آوریل ۱۵۲۸ میلادی (۵۶ یاش)
Nuremberg, Holy Roman Empire
میللیتGerman
تانینماق سببی
حرکتHigh Renaissance

آلبرشت دورر، (۲۱ مای ۱۴۷۱ –۶ آوریل ۱۵۲۸) (آلمانجا: Albrecht Dürer) — آلمان رسامی، قراوور (حکاکی) اوستاسی و اینجه‌صنعت نظریه‌چی‌سی، آلمان رونئسانسینین گؤرکملی نماینده‌سی.[۱]

یاشاییشی[دَییشدیر]

آلبرشت دورر زرگر عائله‌سینده دونیایا گلمیش‌دیر. ناتورانی اؤیرنمک مقصدیله یوخاری رئین ویلایت‌لرینی گزمیش (۱۴۹۰-۱۴۹۴)، ایتالیادا (۱۴۹۴-۱۴۹۵؛ ۱۵۰۵-۱۵۰۷) و نیدئرلانددا (۱۵۲۰-۱۵۲۱) اولموش‌دور. دورئر بویاکارلیق اثرلرینده آلمان اینجه‌صنعتی اۆچون یئنی اولان تصویرلر دوزه‌لمه‌سینه مراجعت ائتمیش‌دیر ("درئزدئنDrezden مئحرابی"، تقریبا ۱۴۹۶، پاومقارتنئرلرPaumqartnerlər مئحرابی، ۱۵۰۲-۱۵۰۴). "کاهین‌لرین تعظیمی" (۱۵۰۴)، "مریم کؤرپه‌سی ایله" (۱۵۱۲) و س. تابلولاریندا ایتالیا اینجه‌صنعتی‌نین تأثیری گوجلودور. دورئر ۹۰۰-ا یاخین رسم اثری چکمیش‌دیر. او، قراوورا ساحه‌سینده ده محصولدار ایشلمیش، دونیا قرافیکی‌نین شاه اثرلرینی یاراتمیش‌دیر. "آپوکالیپسیسApokalipsis" آدلی آغاج اوزرینده قراوورا سئری‌سینده (۱۴۹۸) دونیانین سونو باره‌ده ائرکن مسیحی کلام‌لارینی آنتی‌فئودال ایدئیالار روحوندا شرح ائتمیش‌دیر. درین فلسفی-هومانیست مضمون‌لو "سوواری، اؤلوم و ایبلیس" (۱۵۱۳)، "مقدس ایئرونیم" (۱۵۱۴)، "مالخولیا" (۱۵۱۴) قراوورالاری یارادیجی‌لیغی‌نین زیروه‌سی‌دیر. خالق میشتین‌دن صحنه‌لر قراوورالاریندا اؤنملی یئر توتور ("اوچ کندلی"، تقر. ۱۴۹۷؛ "رقص ائدن کندلی‌لر"، ۱۵۱۴). دورئر دونیا اینجه‌صنعتینده مشهور پورترئت اوستالاریندان‌دیر. پورترئت‌لرینده اوبرازین کاراکتئرین‌دکی فردی خصوصیت‌لری اوستالیقلا آچیب گؤسترمیش‌دیر. اینجه‌صنعتین نظری مسئله‌لری باره‌ده بیر سیرا علمی اثری وار.[۲]

قایناقلار[دَییشدیر]

  1. ^ اینجه‌صنعت تاریخی (تاریخ هنر) / ه.و.جانسن.ص ۳۸۹
  2. ^ اینجه‌صنعت تاریخی (تاریخ هنر) / ه.و.جانسن