مولکول

ویکی‌پدیا، آچیق بیلیک‌لیک‌دن
سو مولکولو

موْلکۇل، بیربیرینه باغلی قروپلار شکلینده آتوم‌لارین اولوشتوردوغو کیمیاسال بیلشیکلرین اَن کیچیک یاپی‌سینا (ساختار) وئریلن آددیر. باشقا ایفاده‌ایله مولکول بیلشیکلرین اَن کیچیک ذره‌سی‌دیر. مولکول‌لار یاپی‌لاریندا (ساختار) بیردن داها‌چوخ تعداددا آتوم‌لاری واردیر. بیر مولکول عینی ایکی آتوم‌ون باغلانماسی نتیجه‌سی یا دا فرق‌لی ساییدا فرق‌لی آتوم‌لارین باغلانماسی سونوجوندا اولوشا بیلیر. بیر سو مولکولو ۳ آتوم‌دان اولوشور؛ ایکی هیدروژن و بیر اوکسیژن. بیر هیدروژن پئراوکسید مولکولو ایکی هیدروژن و ایکی اوکسیژن آتوم‌وندان اولوشور. باشقا طرفدن بیر قان پروتئینی اولان قاماقلوبولین ۱۹۹۶ ساییدا آتومدان اولوشماقلا بیلیکته فقط ۴ چئشیت(نوع) فرقلی آتوم ایستیفاده ائدیر، هیدروژن، کربون، اوکسیژن و نیتروژن.مولکوللاری اولوشتوران کیمیاسال باغلارا مولکولِر باغلار دییلیر. بونلار کوالنت، یونیک، و مئتالیک باغلاردیر.

مولکولِر باغلار[دَییشدیر]

بیر مولکولون آتوم‌لاری آراسیندا ایجاد اولان باغدیر. مولکول‌لارین آراسینداکی باغلاردان داها گۆجلودور.بیر سو مولکول‌ونون آتوم‌لارین بیر آرادا توتان باغ مولکولِرباغ‌لارا اؤرنک‌دیر. اؤته یاندان سو ملکول‌لارین بوز حالیندا بیر آرادا توتان باغلار ایسه مولکول‌لار‌آراسی باغ‌لارا اؤرنک‌دیر.

کوْوالِنت(کوْوالانت) باغلار[دَییشدیر]

هیدروژن آتوم‌لاری آراسینداکی کوْوالنت باغ

ایکی آتوم‌ون الکترون پایلاشیمی نتیجه‌سینده اولوشان باغ مولکولِرباغ‌دیر. باغی اولوشتوران هر بیر آتوم الکترون جوفت‌ونا بیر الکترون وئرر.بو باغ ایکی عینی آتوم‌دان اولوشموش ایسه، اولوشتوران باغا آپوْلارکوْوالنت باغ دییلر. اؤته یاندان باغ ایکی فرقلی آتوم طرفیندان اوْلوشتورولموش ایسه اوْلوشتوران باغ پوْلارکوْوالنت باغ آدلانیر. بو دۇرومدا الکترونئقاتیولیگی داها یۆکسک اوْلان آتوم الکترون سایی‌سی(یا یوْغونلوغو) نئقاتیولیگی آز اوْلان آتوما گؤره آرتار.

یوْنیک باغلار[دَییشدیر]

یوْنیک باغ اوْلوشومو
NaCl (سوْدیوم کلوْرید) کیمیاسال دنکلمی(معادله)

یوْنیک باغ، بیر یا دا داهاچوخ الکترونون بیر آتوْمدان آیریلیب باشقا بیر آتوْما باغلانماسی سۆره‌جی سوْنراسیندا مۆثبت و منفی یوْنلارین اوْلوشماسی نتیجه‌سینده اوْلوشان باغدیر. سوْدیوم و کلوْر آتوملاریندان اوْلوسان NaCl-ۇ اوْلوشتوران باغ یوْنیک باغا بیر اؤرنک‌دیر.

مئتالیک باغلار[دَییشدیر]

مئتالیک باغ

مئتال آتوملارینی بیر آرادا تۇتان باغدیر. مئتال آتوملاری الکتروپوْزیتیو اوْلاراق چکیردک‌لری و والانس‌الکترونلاری آراسیندا اوْلان ائتکیلشمه گۆجو آزدیر و بو سببدن الکترونلار حرکت ائده بیلیرلر. باند تئوْری‌سینه گؤره مئتال آتوملاری اطرافی والانس الکترونلارینین اوْلوشتوردوغو الکترون دئنیزی‌ایله بۆرۆنوبدور، الکترون دئنیزی منفی الکتریکسئل یۆکونون ایچینده آتوملارین مۆثبت یۆکلو چکیردک‌لرین ساخلاییر، اؤته یاندان چکیردک‌لر بو منفی یۆکون ایچینده گۆجلو بیر اتکیلشمه‌ایله برک بیر باغ یارادیرلار.

آیریجا باخین[دَییشدیر]