قان
""قان"" بدن ایچینده دامارلاردا دولانان آخیچکاندیر کی اوکسیژن و انرژی لی ماده لری سللول اوچون آپاریر و اولاردا اولان کربون دی اوکسید واسیدلاکتیک ماده لرین آلیر.قان میکرو اورقانیسملر قاباغیندا دایاق اولور و میکروبلاری آرادان آپاریر.اورک یا قلب یا اونا اوخشار بیر سیستم اونو پمپاژ ائدیر و دامارلاردا دولاندیریر.قان بیر آخیچکان و بیر اندام دا ساییلیر. اندام ساییلماسینین سببی اونون دیری و چالیشقان سلوللارینا گوره دیر .بو سللوللار پلاسما آدلی بیر مایع‌ین ایچینده اوزورلر.[۱] قان بلیگیلری ساغلیق بیلگیلرینده دئیرلی دیر.
بیر بؤیوک اینساندا ۵ لیتر قان اولا بیلر و بدن آغریلیغینین یوزه ۷سی یا ۸ی قان‌دان دیر.[۲]
پلاسما[دَییشدیر]
قانین یوزه۵۵ی پلاسما دیر.پلاسما بیر نوع آخیچکان اولاراق یوزده۹۱ی سو دور و یوزده ۷سی پروتوئین و یوزده بیری معدنی ماده لر و قالان یوزده بیری قند,ویتامین وآمینه اسیدلر و هورمونلار و لیپیدلر دیر.پلاسمانین پروتوئینی آلبومین دیر بو پروتوئین کبد یا جیگر ایچینده اولوشور و اونون باش ایشلری قان باسینجینی ساخلاماقدیر.بو پروتوئین آچیق یاغلی اسیدلری حل ائدیب و آپارمادا ایشلنیر.فیبرینوژن جیگر ایچینده سنتز اولان بیر پروتوئین دیر و فیبرین ماده سی قان دوروموندا (لخته باغلاما) ایشلنیر.قولوبینلر اوچ نوع دورلار قاما، بتا و آلفا قولوبینلر اونلارین دئیرلیسی قاما قولوبین دیر کی آنتی بادی یا ایمونو قولوبین آدلانیر.
