معمار سینان

Mimar Sinan
دوغوم	c. 1488/1490 Ağırnas, Karaman Eyalet, عثمانلی ایمپیراتورلوغو (بوگونکو قیصریه, تورکیه )
اؤلوم	ژوئن17, 1588 (یاشیندا 97–100) Constantinople, عثمانلی ایمپیراتورلوغو (بوگونکو ایستانبول, تورکیه)
میلیت	عثمانلی
پئشه	Architect
تیکینتیلر	شاهزاده مسجیدی سلیمانیه مسجیدی سلیمیه مسجیدی درینا کؤرپوسو موستار کؤرپوسو
ایمضاسی

معمار سینان و یا بؤیوک معمار سینان آغا (سینان الدین یوسف – عبدالمنّان اوغلو سینان) (عثمانلی تورکجه‌سی: قوجه معمار سنان آغا) (دوغومو 29 مای 1489، قئیصریه – اؤلومو 9 آپریل 1588، ایستانبول)، عثمانلی معماریدیر.

منبعلره گؤره سینان، بیرینجی سلیم (یاووز) سولطان اولدوقدان سونرا باشلانیلان و رومئلیده اولدوغو کیمی آنادولودان دا عسگر توپلانماسینی ایره‌لی سورن یئنی بیر تطبیقاتا گؤره 1512-جی ایلده ایستانبولا گتیریلدی. اوردویا عسگر حاضیرلایان عجمی اوغلانلار اوجاغینا وئریلدی، 1514-جو ایلده چالدیران دؤیوشونده، 1516-1520-جی ایللر آراسیندا دا میصر سفرلرینده ایشتیراک ائتمیشدیر. ایستانبولا دؤنونجه یئنی‌چری اوجاغینا قبول اولوندو.

سلیمان قانونی دؤورونده 1521-جی ایلده بلقراد، 1522-جی ایلده رودوس سفرلرینه قاتیلمیش و ضابیط روتبه‌سی آلمیشدیر. 1526-جی ایلده قاتیلدیغی موهاچ سفریندن سونرا باش موهندیس اولدو. 1529-جو ایلده ویئن شهری، 1529-1532-جی ایللر آراسیندا آلمان، 1532-1535-جی ایللر آراسیندا دا عراق، بغداد، تبریز سفرلرینده ایشتیراک ائتمیشدیر. بو سون سفر عرفه سینده وان گؤلونون اوستوندن کئچه‌جک اولان اوچ گمینین تعمیر ایشلرینی مووفّقیتله یئرینه یئتیرمه‌سینه گؤره اونا "هاسئکی" عونوانی وئریلمیشدیر. 1536-جی ایلده پولیا سفرلرینه قاتیلدی. 1538-جی ایلده ایشتیراک ائتدیگی کارابوغدان (مولداوی) سفری عرضینده پروت چایی اوستونده اینشا ائتدیگی بیر کؤرپو ایله هامینین دیقّتینی اؤزونه چکدی. بیر ایل سونرا عجم‌علی‌نین اؤلوموندن سونرا اونون یئرینه، سارایین باش معماری اولدو. عؤمرونون آخیرینا قدر بو وظیفه‌ده قالدی.

قایناق‌لار

تورکجه‌ ویکی‌پدیاسی‌نین ایشلدنلری طرفیندن یارانمیش«Memar Sinan»، مقاله‌سیندن گؤتورولوبدور. (07 جولای 2016 تاریخینده یوْخلانیلیبدیر).