لوس‌آنجلس

ویکی‌پدیا، آچیق بیلیک‌لیک‌دن
لوس‌آنجلس

لوس‌آنجلس (اینگیلیسجه: Los Angeles) آمریکا بیرلشمیش ایالت‌لری‌نین ایکینجی بؤیوک شهری (نیویورک‌دان سوْنرا) و کالیفورنیا ایالتی‌نین ان بؤیوک شهری‌دیر.[۱] بۇ شهرین آدی خولاصه صورت‌ده «LA» یازیلیر و لقبی «ملک‌لر شهر»دیر.

لوس‌آنجلسین جمعیتی ۳٬۹۰۴٬۶۵۷ نفردیر کی بو رقم شهرین حومه‌سی‌نین حساب‌لاماسی ایله ۱۶٬۴۰۰٬۰۰۰ نفره چاتیر و اونون مساحتی‌ده ۱٬۳۰۲ کیلومتر موربع‌دیر (تهرانین ایکی برابری).

«بورلی‌هیلز»، «ونیز بیچ» و «بل‌ایر تپه‌لری» کی هامی‌سی لوس‌آنجلسین غربین‌ده واقع اوْلوب‌لار، بۇ شهرین ان باهالی و اشرافی منطقه‌لری تانینیرلار.[۲][۳]

تاریخ[دَییشدیر]

۱۷۸۱-نجی ایلی‌نین سپتامبری‌نین دؤردو، ۴۴ ایسپانیالی موهاجیرین، کالیفورنیانین جنوبون‌دا «توستو دره‌سی» این‌ده بیر سورخپوست‌لارا مربوط اوْلان کندین جوارین‌دا یئرلشمه‌لری تاریخی‌دیر. اونلار بۇ مکانی لوس‌آنجلس آدلاندیردی‌لار. ایسپانیالی فرماندار فیلیپ دنو بۇ شهری تأسیس ائدیب و ایلکجه اونو «El Pueblo de Nuestra Señora la Reina de los Angeles de Porciúncula» به معنای «بیزیم خانیمین کندی، پورسی اونکالا ملک‌لری‌نین ملکه‌سی» آدلاندیردی.

لوس‌آنجلس‌دن بیر پانوراما

ایقتیصاد[دَییشدیر]

ایییرمینجی قرن فاکس

لوس‌آنجلسین ایقتیصادی، واریدات و صادیرات، باش‌قاتما صنعت‌لری، هاوافضا، تکنولوژی و توریسمه باغلی‌دیر. «لانگ‌بیچ» بیربیرلرینه یاپیشیق‌لی اوْلان بندرلری، بۇ شهرین شرقی آسیا اؤلکه‌لرینه اوْلان واریدات و صادیراتی‌نین قاپی‌سی‌دیرلار و بۇ باخیم‌دان دونیانین بئشینجی چوخ گئت‌گلی اوْلان بندر سایاگلیر. ایییرمینجی قرن فاکس باش‌قاتما شیرکتی و نورثروپ گرومن هاوافضا شیرکتی لوس‌آنجلس‌ده واقع اوْلوب‌لار.

امنیت[دَییشدیر]

لوس‌آنجلس ۱۹۹۰ اون‌ایل‌لیکین‌ده آمریکانین ان امن‌سیز شهرلرین‌دن بیری سایاگلیردی و ایل‌ده ۱۰۰۰ موریددن چوخ قتلین باش وئرمه‌سی، بۇ شهرین آدین پیسه چیخاردمیش‌دی. آما گئچن ایل‌لرده جورم و جینایتین آماری بۇ شهرده آزالیب و ۲۰۱۲-نجی میلادی ایلین‌ده تکجه ۲۹۸ مورید قتل بۇ شهرده باش وئرمیش‌دی.[۴]

علمی و دانیشگاهی مرکزلر[دَییشدیر]

کالیفورنیانین ایالتی دانیشگاهی لوس‌آنجلس‌ده

جت پیشرانه‌سی‌نین آزماییشگاهی ناسانین ان موهیم مرکزلرین‌دن‌دیر کی پاسادنادا (لوس‌آنجلسین شیمالین‌دا) واقع اوْلوب‌دور. ادواردز هاوا گوجونون مقری کی فضایی شاتل‌لرین یئنمه مرکزلرین‌دن بیری‌دیر، بۇ شهرین حومه‌سین‌ده‌دیر. کالیفورنیا دانیشگاهی‌نین اوچ واحیدی (لوس‌آنجلس‌ده، ایرواین‌دا و ریورسایددا) بۇ منطقه‌ده یئرلشیب‌دیر. دنیز گوجونون عالی مدرسه‌سی، کالیفورنیانین تکنولوژی موؤسیسه‌سی و کالیفورنیانین جنوب دانیشگاهی بۇ شهرین ان معروف علمی مرکزلری‌دیرلر. کالیفورنیانین ایالتی دانیشگاهی‌نین مرکزلری‌نین بیر تعدادی‌دا لوس‌آنجلس‌ده قرار تاپیب‌دیرلار:

قارداش شهرلر[دَییشدیر]

  • ایلات، ایسرائیل (۱۹۵۹)
  • ناگویا، ژاپون (۱۹۵۹)
  • سالوادور باهیا، برزیل (۱۹۶۲)
  • بردو، فرانسه (۱۹۶۴)
  • برلین، آلمان (۱۹۶۷)
  • لوساکا، زامبیا (۱۹۶۸)
  • مکزیکوسیتی، مکزیک (۱۹۶۹)
  • اوکلند، نیوزلند (۱۹۷۱)
  • بوسان، جنوبی کوره (۱۹۷۱)
  • بمبئی، هیند (۱۹۷۲)
  • تهران، ایران (۱۹۷۲)
  • تایپه، تایوان (۱۹۷۹)
  • گووانگژو، چین (۱۹۸۱)
  • آتن، یونان (۱۹۸۴)
  • سن پترزبورق، روسیه (۱۹۸۴)
  • ونکوور، کانادا (۱۹۸۶)
  • جیزه، مصر (۱۹۸۹)
  • جاکارتا، اندونزی (۱۹۹۰)
  • کاوناس، لیتوانی (۱۹۹۱)
  • ماکاتی، فیلیپین (۱۹۹۲)
  • اسپلیت، کورواسی (۱۹۹۳)
  • سن سالوادر، السالوادر (۲۰۰۵)
  • بیروت، لوبنان (۲۰۰۶)
  • ایسکیا، ایتالیا (۲۰۰۶)
  • ایروان، ارمنیستان (۲۰۰۷)
  • پودگوریتسا، مونته‌نگرو

ائشیگه باغلانتی‌لار[دَییشدیر]

منبع‌لر[دَییشدیر]