آسلان

ویکی‌پدیا، آچیق بیلیک‌لیک‌دن
پرش به ناوبری پرش به جستجو
آسلان
زامان محدوده‌سی: Pleistocene–Present
Lion (Panthera leo) (30941994012).jpg
A male Southern African lion photographed in Kruger National Park, گونئی آفریقا
Lioness Etosha NP.jpg
A Southern African lioness photographed in Etosha National Park, نامیبیا
علمی گروپلاشدیرما e
عالم: حئیوان
Phylum: خوْردالیلار
صینیف: ممه‌لیلر
دسته: ییٛرتیجیلار
Suborder: پیشیک کیمی‌لر
فسیله: Felidae
جینس: Panthera
بؤلمه: P. leo[۱]
علمی آدی
Panthera leo[۱]
(کارل لینه, 1758)[۳]
Subspecies
Lion distribution.png
Distribution of Panthera leo in آفریقا and اوْراسیا, in the past and present.
Synonyms

Felis leo Linnaeus, 1758

آسلان یادا آصلان یادا شئر ،پیشیک کیمیلر حیوانلارینین بیریدیر.

آسلان(Panthera leo)[دَییشدیر]

اسلان لار

آسلان یادا آرسلان، اووزون گؤوده لی، نیسبتن قیسسا قیچلی، بؤیوک باشلی، عضله لی و گوجلو قورولوشلو، دونیانین ان بؤیوک دؤرد پیشیگیندن بیریدیر. آچیق بیر اراضی حیوانی اولان آسلان بیر زامانلار آفریقا، آوروپا و آسیادا یاشارکن، گونوموزده آفریقادا بؤیوک صحرانین گونئیینده و آز سایدا هیندیستاندا گؤرولور. آسیا توروندن اولان هیندیستانداکی بیر نئچه یوز آسلان گوجرات اوستانینین «گیر» مئشه سی اولوسال (میلّی) پارکیندا سیخی بیر قوروما آلتیندا یاشاماقدادیر. آسلانلار قویروقلا بیرلیکده ۳متره دیر، آغیرلیغی ایسه یاخلاشیق ۲۳۰کیلویا قدردیر، دیشی لر هارداسا بونون یاریسی قدردیر. توکلری قهوه رنگی ساری دیر. ارکگین یئله سی (یالی) قهوه رنگی ساریدان قارایا قدر دئییشر. گئنیش آلینلی، گوجلو چنه لی، اووزانیب چکیلن جایناقلی دیر. قویروغونون اوجو پوسکولودور. ارکک آسلانین باشینین اطرافی اووزون و گؤزل بیر یئله ایله بزکلی دیر. چیگینلرینین اووزرینه قدر داغیلان یئله، غضبلندیگی زامان قاباریر. اسارت ده اولان آسلانلارین یئله لری وحشی آسلانلارینکیندان عومومیتله داها اووزون و گووردور. آسلانلار بیربیرلری ایله بؤلگه مولکیتی اوچون دؤیوشر. عومومیتله بۇ اؤلومله ده سونوجلانا بیلیر. آسلانلارین جایناقلاری و دیشلری چوْخ کسکیندیر. آسلانین اؤزل کوکره مه سی آخشام چاغلاری و گون دوغمادان اؤنجه ائشیدیلر، کوکره مه یه قاریشیق اؤکسوره یه بنزر بیر سسده چیخاریر. آسلانلار دونیا اووزرینده یاشایان پیشیک توورلری ایچینده ان ایجتیماعی یاشایان تووردور. دیگر بوتون پیشیک جینس لری یالنیز یاشاماغی ترجیح ائدر کن آسلانلار بؤیوک قوروپلار اولوشتوران تک پیشیک توورودور. آسلانلار بیر یادا داها چوْخ عائیله دن اولوشان قوروپلار حالیندا یاشار. مودافیعه و اُو سیراسیندا بیرلشن آسلانلار، اُولارینی قوالار یادا پوسقویا دوشورر. اورتالاما بیر آفریقا آسلانینین سورعتی ساعاتدا ۵۵کیلومتره یه چاتا بیلیر. آنجاق بۇ سورعتینی ساده جه قیسسا بیر سوره دوام ائتدیره بیلیر. بؤیوک بیر اوستالیق و کورنازلیقلا (حیله گرلیکله) باغلی یئرلره گیرمه یی باشاران آسلان، آغزیندا داشیدیغی ایری اُوو ایله بیرلیکده حاصارلاری دا راحاتجاسینا آشا بیله جک قدر گوجلو و چئویکدیر. عومومیتله اینساندان قاچینماقلا بیرلیکده، اُولانما قابیلیتینی ایتیرمیش یاشلی آسلانلار سیخ سیخ (موکرر) اینسانلارادا سالدیرارلار. آسلانلار ایکی یاشیندا جوفتلشمه یه باشلار. لاکین تام یئتکینلیگه بئش یاشیندا چاتار. ارککلرین بیردن چوْخ جوفتلری واردیر. حامیله لیک سوره سی ۱۰۵–۱۱۲ گون آراسیندا دئییشیر. دیشی بیر دوغوشوندا ۲–۵ آراسی بالا دونیایا گتیریر. یئنی دوغولان بالالار کوردور. آیریجا کورکلریده خاللی دیر. گؤزلری دوغومدان آلتی گون سونرا آچیلیر. آنا، بالالاری اوچ آیلیق کن سوتدن آچار و اونلارا اُولانما درس لری وئرمه یه باشلار. اسیر ائدیلمیش آسلانلار عومومیتله ایلده بیر دفعه، دوغادا یاشایانلارایسه ایکی ایلده بیر دوغار.

گؤرونتولر[دَییشدیر]

خاریجی کئچیدلر[دَییشدیر]

قایناقلار[دَییشدیر]

  1. Wozencraft, W.C. (2005). "Panthera leo", Mammal Species of the World: A Taxonomic and Geographic Reference, 3rd, Johns Hopkins University Press. ISBN 978-0-8018-8221-0. OCLC 62265494.
  2. Panthera leo. IUCN Red List of Threatened Species. Version 2017-3. International Union for Conservation of Nature (2016).
  3. قایناق خطاسی برچسب <ref> نامعتبر؛ متنی برای ارجاع‌های با نام Linn1758 وارد نشده‌است